اقتوبەدە كىسى ولتىرگەن قىلمىسكەر تۇرمەدە اسىلىپ قالعان

كۇدىكتى 35 جاستاعى ايەل ادام مەن 16 جاستاعى بالاسىن اياۋسىز ولتىرگەن.

اقتوبەدە 35 جاستاعى ايەل ادام مەن 16 جاستاعى بالاسىن اياۋسىز ولتىرگەن كۇدىكتى تەرگەۋ يزولياتورىنىڭ اجەتحاناسىندا اسىلىپ قالعان، دەپ حابارلايدى اlmaty-akshamy.kz Tengrinews.kz سىلتەمە جاساپ.

جانتۇرشىگەرلىك وقيعا 29 ناۋرىزدا اقتوبەدە بولعان ەدى. وقيعا قالاداعى جەڭىس داڭعىلى، № 30 ۇيدە بولعان. كۇدىكتى 35 جاستاعى ايەل ادام مەن 16 جاستاعى بالاسىن اياۋسىز ولتىرگەن. مارقۇمنىڭ 13 جاستاعى قىزى دا اۋىر جاراقاتتار العان. ول جەدەل اۋرۋحاناعا جەتكىزىلىپ، ارتىنشا وپەراسيا جاسالدى.

اقتوبەنىڭ قىلمىستىق-اتقارۋ جۇيەسى دەپارتامەنتىنىڭ مالىمەتىنشە، تەرگەۋ-قاماۋعا الىنعان ادامدى تۇندە مەكەمە قىزمەتكەرلەرى تاپتى. كەزەكشى اۋىسىممەن دەرەۋ العاشقى مەديسينالىق كومەك كورسەتىلدى. قابىلدانعان شارالارعا قاراماستان، كۇدىكتىنى قۇتقارۋ مۇمكىن بولمادى. وقيعا ورنىنا كەلگەن "جەدەل جاردەم" بريگاداسى كۇدىكتىنىڭ قايتىس بولعانىن انىقتادى.

وقيعا ورنىنا جەدەل تەرگەۋ توبى كەلگەن.

«وقيعا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەلدى، ق ر قك 105-بابى بويىنشا سوتالدى تەرگەۋ باستالدى (ءوزىن-وزى ولتىرۋگە دەيىن جەتكىزۋ). قازىرگى ۋاقىتتا وبلىستىق دەپارتامەنتتىڭ قىزمەتكەرلەرى قىزمەتتىك تەكسەرۋ تاعايىندادى، ونىڭ ناتيجەلەرى بويىنشا قولدانىستاعى زاڭناماعا سايكەس شارالار قابىلداناتىن بولادى»، - دەدى دەپارتامەنت وكىلدەرى.