پرەزيدەنتتەر ەكى ەل اراسىنداعى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ حابارلايدى اlmaty-akshamy.kz اقورداعا سىلتەمە جاساپ.
اڭگىمەلەسۋ بارىسىندا مەملەكەت باسشىسى قاسىم-جومارت توقايەۆ پرەزيدەنت شاۆكات ميرزيويەۆتى وزبەكستان رەسپۋبليكاسىنىڭ كونستيتۋسياسىنا وزگەرىستەر ەنگىزۋ جونىندەگى جالپىحالىقتىق رەفەرەندۋمنىڭ ءساتتى وتۋىمەن قۇتتىقتادى.
قاسىم-جومارت توقايەۆ جالپىۇلتتىق تاڭداۋ ەركىنىڭ قورىتىندىسى پرەزيدەنت شاۆكات ميرزيويەۆتىڭ ستراتەگيالىق باعدارىنا وزبەك حالقىنىڭ زور سەنىم ءبىلدىرىپ، قولداعانىنىڭ دالەلى ەكەنىن اتاپ ءوتتى.
قازاقستان مەن وزبەكستان پرەزيدەنتتەرى ەكى ەل اراسىنداعى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
مەملەكەتتەر باسشىلارى قازاق-وزبەك قاتىناستارىنىڭ قارقىندى دامىپ كەلە جاتقانىن اتاپ ءوتىپ، بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەسىن تالقىلادى.
سونداي-اق پرەزيدەنتتەر الداعى ۋاقىتقا جوسپارلانعان ءىس-شارالار كەستەسىن قاراستىردى.