جاھاندىق جاسىل ءوسۋ ينستيتۋتى 2012 جىلى قۇرىلعان
قازاقستان جاھاندىق جاسىل دامۋ ينستيتۋتىنىڭ 45-مۇشەسى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
رەسپۋبليكانىڭ بۇل ۇيىمعا قوسىلۋى تۋرالى قۇجاتتى بۇگىن ينستيتۋت پرەزيدەنتى پان گي مۋنعا ءبىزدىڭ ەلدىڭ سەۋلدەگى ەلشىسى باقىت دۇيسەنبايەۆ تابىس ەتتى. جاھاندىق جاسىل ءوسۋ ينستيتۋتى 2012 جىلى قۇرىلعان. بۇل حالىقارالىق ۇكىمەتارالىق ۇيىمنىڭ شتاب-پاتەرى سەۋلدە ورنالاسقان. جاسىل جوبالاردى جۇزەگە اسىرۋ ءۇشىن قارجى رەسۋرستارىن تارتادى. 4 جىلدان بەرى ينستيتۋتتى بىرىككەن ۇلتتار ۇيىمىنىڭ بۇرىنعى باس حاتشىسى پان گي مۋن باسقارادى. قازاقستاننىڭ بۇل ۇيىمعا قوسىلۋىن قاراستىراتىن زاڭعا پرەزيدەنت قاسىم-جومارت توقايەۆ ءبىر اي بۇرىن قول قويعان بولاتىن.
«قازاقستانمەن بىرگە جۇمىس ىستەۋ ءبىز ءۇشىن ۇلكەن مارتەبە. بۇل ىنتىماقتاستىعىمىزدى ودان ءارى نىعايتۋ ءۇشىن تاماشا مۇمكىندىك. ويتكەنى قازاقستان بۇۇ-نىڭ بەدەلدى مۇشەلەرىنىڭ ءبىرى. بۇعان دەيىن قاسىم-جومارت توقايەۆپەن بۇۇ-دا، ال ەندى قازاقستان رەسپۋبليكاسىنىڭ پرەزيدەنتى رەتىندە جۇمىس ىستەۋ مەن ءۇشىن ۇلكەن مارتەبە»، - دەدى جاھاندىق جاسىل ءوسۋ ينستيتۋتىنىڭ پرەزيدەنتى پان گي مۋن.