الاياقتار تەگىن ورناتۋعا بولاتىن ءارتۇرلى ءموبيلدى قوسىمشالاردىڭ كومەگىمەن IPO-دا «اقشا تابۋدى» ۇسىنادى
وتكىزىلىپ جاتقان IPO شەڭبەرىندە «قازمۇنايگاز» اق اكسيالارىنا ءتيىمدى اقشا سالۋ سىلتاۋىمەن الاياقتار Play Marketء-تىڭ رەسمي دۇكەنىندە كۇماندى قوسىمشالاردى بەلسەندى تۇردە جارنامالاۋدا. App Store-دا ازىرگە مۇنداي سەرۆيستەر پايدا بولا قويعان جوق، دەپ حابارلايدى Almaty-akshamy.kz.
Fingramota.kz مۇقيات بولۋ قاجەتتىلىگىن، باسقا پايدالانۋشىلاردىڭ پىكىرلەرىن مۇقيات وقىپ شىعۋ كەرەكتىگىن جانە جۇكتەۋگە ۇسىنىلعان ءموبيلدى قوسىمشالاردىڭ شىعارىلعان كۇنى مەن رەيتينگىن قاراۋ كەرەكتىگىن ەسكە سالادى.
الاياقتار تەگىن ورناتۋعا بولاتىن ءارتۇرلى ءموبيلدى قوسىمشالاردىڭ كومەگىمەن IPO-دا «اقشا تابۋدى» ۇسىنادى.
اڭقاۋ ازاماتتاردى كوبىرەك تارتۋ ءۇشىن ولار «قازمۇنايگاز» اق-تىڭ اتاۋى مەن لوگوتيپىن پايدالانادى، ال قوسىمشالارعا سيپاتتامادا از عانا كۇش سالىپ جوعارى، ءارى كەپىلدى تابىس الۋعا ۋادە ەتەدى. بۇل قوسىمشالار ۇكىمەتتىڭ قولداۋىمەن ازىرلەندى-مىس دەپ سەندىرەدى.
الاياقتار IPO شەڭبەرىندە باعالى قاعازدارعا ينۆەستيسيا سالۋ جەڭىل جانە ءار ينۆەستيسيا ۇلكەن پايدا اكەلەدى دەپ سەندىرەدى. دالەل رەتىندە ولار جالعان پىكىرلەردى ورنالاستىرادى. مىنا دەرەكتەرگە: قوسىمشانىڭ شىعارىلعان كۇنىنە، ول قانشالىقتى ءجيى جاڭارتىلاتىنىنا، ازىرلەۋشىسى كىم ەكەندىگىنە، پىكىرلەردىڭ سانى مەن جاريالانعان كۇنى جانە پايدالانۋشىلاردىڭ اتى-جوندەرىنە نازار اۋدارىڭىز. قوسىمشا ءسىزدىڭ دەرەكتەرىڭىزدى قالايشا جانە قانداي جولمەن جينايتىنى، وڭدەيتىنى جانە ازىرلەۋشىگە بەرەتىنى تۋرالى اقپارات ماڭىزدى بولىپ تابىلادى.