كۆيلت-فەستيۆالى جىل سايىن ۇيىمداستىرىلادى
2022 جىلدىڭ 18-20 كاراشا ارالىعىندا الماتى قالاسىنداعى قازاقستان رەسپۋبليكاسى مەملەكەتتىك ورتالىق مۋزەيىندە «شىعىس بازارى» اتتى حالىقارالىق كۆيلت-فەستيۆالى وتەدى، دەپ حابارلايدى Almaty-akshamy.kz.
فەستيۆالدى ۇيىمداستىرۋشى – «قازاقستاننىڭ قۇراق قۇراۋ شەبەرلەرى بىرلەستىگى»، جەتەكشىسى شتروشەرەر تامارا بەكمۇرات قىزى. بىرلەستىكتىڭ باستى ماقساتى – قۇراق دەپ اتالاتىن ساندىك-قولدانبالى ونەرگە نەگىزدەلگەن كوركەم كۆيلت باعىتىن دامىتۋ، وزىندىك قولتاڭباسى بار قازاقستاندىق شەبەرلەردىڭ ەڭبەگىن الەمدىك دەڭگەيدە تانىتۋ.
«شىعىس بازارى» كۆيلت-فەستيۆالى قازاقستان، گەرمانيا، شۆەيساريا، رەسەي، قىرعىزستان جانە تاعى باسقا ەلدەردىڭ قولونەرشىلەرىن بىر-بىرىمەن جاقىن تانىستىرىپ، تاجىريبە الماسۋعا مۇمكىندىك بەرەدى. كۆيلت-فەستيۆالى جىل سايىن ۇيىمداستىرىلادى، 2022 جىلى سەگىزىنشى رەت وتكىزىلمەك. قازىرگى كەزدە ونەردىڭ بۇل تۇرىنە دەگەن قىزىعۋشىلىق ارتىپ، كۆيلت ونەرىنىڭ جانكۇيەرلەرى دە كوبەيە ءتۇستى. قاتىسۋشىلار مەن قوناقتار مەرەكەگە قاتىسىپ قانا قويماي، توقىما ونەرىنىڭ شىعارماشىلىق الەمىمەن تانىسا الادى.
فەستيۆال باعدارلاماسىندا:
- «دجينس Inspiration» بايقاۋى. بايقاۋدىڭ تاقىرىبى قورشاعان ورتانى قورعاۋ مەن كونە زاتتاردى ۇتىمدى پايدالانۋعا بايلانىستى بولماق. ونەر جانە ءسان سالاسىنىڭ ماماندارى ءۇش نوميناسيا بويىنشا سايىسقا قاتىسقان 129 ۇمىتكەردىڭ اراسىنان جەڭىمپازدى انىقتايدى. فەستيۆال دەمەۋشىسى «تىگىن ماشينا ءۇيى» كومپانياسى ءار نوميناسيا بويىنشا انىقتالعان جەڭىمپازدارعا باعالى سىيلىقتار – bernette جانە VERITAS تىگىن ماشينالارىن ۇسىنادى. ال فەستيۆالدىڭ باس دەمەۋشىسى – BERNINA شۆەيساريالىق كومپانياسىنىڭ وكىلى گران-پري سىيلىعىن تابىستايدى. جۇمىسى ۇزدىك دەپ تانىلعان شەبەرگە پرەميۋم-كلاسس تىگىن ماشيناسى بەرىلەدى.