2025 جىلدىڭ 19-20 اقپانىندا الماتى قالاسىندا يۋنەسكو قاۋىمداستىقتارى مەن كلۋبتارىنىڭ ءبىرىنشى جاھاندىق جاستار فورۋمى (GYF) وتەدى. بۇل ماڭىزدى حالىقارالىق ءىس-شارا الەمنىڭ 60-قا جۋىق ەلىنەن 150-دەن استام قاتىسۋشىنى بىرىكتىرەدى. فورۋمدا جاستاردىڭ مۇمكىندىكتەرىن كەڭەيتۋ، سيفرلىق تەحنولوگيالاردى قولدانۋ، تۇراقتى دامۋ جانە ينكليۋزيۆتى ءبىلىم بەرۋ ماسەلەلەرى تالقىلانادى، دەپ حابارلايدى Aqshamnews.kz
فورۋمدى ۇيىمداستىرۋشىلار مەن سەرىكتەستەر
فورۋمدى يۋنەسكو جانە دۇنيەجۇزىلىك يۋنەسكو كلۋبتارى مەن قاۋىمداستىقتارىنىڭ فەدەراسياسى (WFUCA) ۇيىمداستىرادى. قازاقستان تاراپىنان بۇل باستامانى قازاقستاندىق ۇلتتىق يۋنەسكو كلۋبتارىنىڭ فەدەراسياسى، قازاقستان جانە فرانسيا يۋنەسكو ىستەرى جونىندەگى ۇلتتىق كوميسسيالارى، ق ر سىرتقى ىستەر مينيسترلىگى، ق ر مادەنيەت جانە اقپارات مينيسترلىگى جانە الماتى قالاسى اكىمدىگى قولدايدى.
بۇعان قوسا، فورۋمنىڭ سەرىكتەستەرى قاتارىندا Karachaganak Petroleum Operating B.V.، بانك سەنتركرەديت، «قازاقستان» ءقوناقۇيى، Doscar كومپانيالار توبى جانە «شىمبۇلاق» تاۋ-شاڭعى كۋرورتى بار.
فورۋمدا قانداي تاقىرىپتار قوزعالادى؟
ەكى كۇندىك فورۋم بارىسىندا ءارتۇرلى سالانىڭ وكىلدەرى، سونىڭ ىشىندە يۋنەسكو ساراپشىلارى، ۇكىمەت مۇشەلەرى، اكادەميالىق ورتا مەن بيزنەس وكىلدەرى كەلەسى وزەكتى ماسەلەلەردى تالقىلايدى:
جاستاردىڭ قۇقىقتارى مەن مۇمكىندىكتەرىن كەڭەيتۋ؛
جاساندى ينتەللەكتتى پايدالانۋ ەتيكاسى؛
سيفرلىق تەحنولوگيالار جانە ولاردىڭ قوعامداعى ءرولى؛
تۇراقتى تۋريزم مەن كليماتتىڭ وزگەرۋىنە بەيىمدەلۋ؛
ينكليۋزيۆتى ءبىلىم جانە كوركەم ءبىلىمنىڭ ماڭىزى.
فورۋمنىڭ باستى قوناقتارى
فورۋمعا يۋنەسكو-نىڭ ىزگى نيەت ەلشىسى ح. اببين، جاساندى ينتەللەكت سالاسىنداعى الەمدىك جەتەكشى مامان پروفەسسور د-ر ۆ. حولمس، سونداي-اق دۇنيەجۇزىلىك يۋنەسكو كلۋبتارى مەن قاۋىمداستىقتارىنىڭ فەدەراسياسىنىڭ اتقارۋشى كەڭەسىنىڭ مۇشەلەرى قاتىسادى. بۇل شارا قازاقستاندى جاھاندىق جاستار قوزعالىسىنىڭ ماڭىزدى الاڭىنا اينالدىرۋعا ىقپال ەتەدى.
فورۋم ناتيجەسى قانداي بولماق؟
فورۋمنىڭ باستى قورىتىندىسى – «2025-2030 جىلدارعا ارنالعان يۋنەسكو قاۋىمداستىقتارى مەن كلۋبتارى جاستارىنىڭ جول كارتاسىن» قابىلداۋ. بۇل قۇجات 94 ەلدەگى 5 000-نان استام ۇيىمدى قامتيتىن قوزعالىستىڭ دامۋ ستراتەگياسىن انىقتاپ، جاستارعا جاڭا مۇمكىندىكتەر اشادى جانە يۋنەسكو كلۋبتارىنىڭ حالىقارالىق جەلىسىن نىعايتادى.
ءبىرىنشى جاھاندىق جاستار فورۋمى – قازاقستاندى يۋنەسكو-نىڭ حالىقارالىق ىنتىماقتاستىق ورتالىعى رەتىندە تانىتۋعا مۇمكىندىك بەرەتىن ماڭىزدى قادام. الماتىدا وتەتىن بۇل فورۋم جاستار ءۇشىن جاڭا باستامالار مەن جوبالاردى ىسكە اسىرۋعا، ءبىلىم مەن يننوۆاسيانى دامىتۋعا جول اشادى.
قوسىمشا اقپارات پەن ب ا ق اككرەديتاسياسى بويىنشا:
ايسانا ميرام، +7 700 394 32 92 (WhatsApp قولجەتىمدى).