تۋريندە ءوتىپ جاتقان XXXII قىسقى ۋنيۆەرسيادادا قازاقستاننىڭ ەرلەر قۇراماسى حوككەيدەن العاشقى جەڭىسىنە قول جەتكىزدى. ءبىزدىڭ كوماندا العاشقى ويىندا شۆەسيا قۇراماسىن 9:2 ەسەبىمەن ويسىراتا جەڭدى، دەپ حابارلايدى aqshamnews.kz
قازاقستان حوككەي فەدەراسياسىنىڭ مالىمەتىنشە، العاشقى كەزەڭدە شۆەدتەر ەكى شايبا سوعىپ، ەسەپتە العا شىققان. الايدا، ءبىزدىڭ حوككەيشىلەر ءبىرىنشى كەزەڭنىڭ سوڭىنا دەيىن ەسەپتى تەڭەستىردى.
ەكىنشى كەزەڭدە قازاقستاندىقتار شابۋىلدارىن ۇدەتىپ، ەكى شايبا ايىرماشىلىعىمەن العا شىقتى. نيكولاي شۋلگا كوزگە ءتۇستى، ال كەيىننەن دانييل سىبين دۋبل جاسادى.
ءۇشىنشى كەزەڭدە ءبىزدىڭ كوماندا قارسىلاسىن تولىقتاي جەڭىلىسكە ۇشىراتتى. ماكسيم مۋسوروۆ، ءادىل بەيسەمبايەۆ، دەنيس چاپوروۆ جانە اندرەي بۋيالسكيي گول سوعىپ، قورىتىندى ەسەپتى بەلگىلەدى.
كەلەسى ماچ 14 قاڭتاردا وتەدى، وندا قازاقستاندىق حوككەيشىلەر وڭتۇستىك كورەيا قۇراماسىمەن كەزدەسەدى.
ايەلدەر قۇراماسىنىڭ ناتيجەسى:
قازاقستاننىڭ ايەلدەر قۇراماسى توپتىق كەزەڭدەگى العاشقى ويىندا جاپونيا كومانداسىنان ويسىراي جەڭىلدى. قورىتىندى ەسەپ — 0:10.
حوككەي ءتۋرنيرى 11-22 قاڭتار ارالىعىندا تۋرين ماڭىنداعى ەكى ارەنادا وتۋدە. ەرلەر قۇراماسى «A» توبىندا ويناپ، الدا كورەيا، كانادا جانە چەحيا كوماندالارىمەن كەزدەسەدى.
ماچتار كەستەسى (ەرلەر):
▪️ 14 قاڭتار، 20:30 — قازاقستان — كورەيا
▪️ 16 قاڭتار، 00:00 — كانادا — قازاقستان
▪️ 17 قاڭتار، 00:00 — قازاقستان — چەحيا
ايەلدەر قۇراماسى «B» توبىندا اقش پەن چەحيا كوماندالارىنا قارسى وينايدى.
ماچتار كەستەسى (ايەلدەر):
▪️ 14 قاڭتار، 20:30 — چەحيا — قازاقستان
▪️ 16 قاڭتار، 20:30 — قازاقستان — اقش