الماتىدا حالىقتىڭ الەۋمەتتىك وسال توپتارىن قولداۋ ءۇشىن الەۋمەتتىك كومەكتىڭ 17 ءتۇرى قاراستىرىلعان، دەپ حابارلادى قالالىق جۇمىسپەن قامتۋ جانە الەۋمەتتىك باعدارلامالار باسقارماسى.
ولاردىڭ ىشىندە-اتاۋلى الەۋمەتتىك كومەك (ااك)؛ تۇرعىن ءۇي كومەگى؛ ۇوس ارداگەرلەرىنە جانە ازاماتتاردىڭ باسقا دا ساناتتارىنا الەۋمەتتىك كومەك؛ كوممۋنالدىق قىزمەتتەرگە تاريفتەردىڭ كوتەرىلۋىنە بايلانىستى الەۋمەتتىك كومەك؛ مۇگەدەك بالالاردى ۇيدە وقىتقانى ءۇشىن شىعىنداردى وتەۋ؛ اتاۋلى كۇندەر مەن مەرەكە كۇندەرىنە تولەمدەر جانە وزگە دە ءبىرجولعى الەۋمەتتىك تولەمدەر.
ماسەلەن، 2024 جىلى ااك جالپى سوماسى 1،6 ملرد تەڭگەگە 14،8 مىڭ ادامدى قامتىدى. تۇرعىن ءۇي كومەگى 741 ازاماتقا 17،3 ملن تەڭگە سوماسىندا بەرىلدى. كوممۋنالدىق قىزمەتتەر تاريفتەرىنىڭ وسۋىنە بايلانىستى ازاماتتاردى قولداۋ جەكە باعىت بولدى. «ينۆەستيسيالارعا ايىرباستاۋ ءتاريفى» باعدارلاماسى اياسىندا حالىقتىڭ الەۋمەتتىك وسال توپتارىنىڭ ىشىنەن 141 مىڭنان استام ادام اي سايىن 0،8 اەك مولشەرىندە تولەم الدى، بۇل 4 ملرد تەڭگەدەن استام سومانى قۇرادى.
وسى جىلدىڭ 1 قاڭتارىنان باستاپ مەملەكەتتىك جاردەماقىلار مەن بازالىق زەينەتاقىنىڭ بارلىق تۇرلەرىنىڭ مولشەرى 6،5%- عا ۇلعايتىلدى، سونداي-اق كومەكتىڭ جاڭا تۇرلەرى ەنگىزىلۋدە. مىسالى، باسقا مەملەكەتتەردىڭ اۋماعىنداعى اسكەري ءىس قيمىلداردىڭ ارداگەرلەرى ءۇشىن اۋعانستاننان اسكەرلەردى شىعارۋ كۇنىنە 100 مىڭ تەڭگەدەن جاڭا تولەم ەنگىزىلدى.
ايتا كەتۋ كەرەك، حالىقتىڭ الەۋمەتتىك وسال توپتارىن قولداۋ الماتى اكىمدىگى جۇمىسىنىڭ باسىم باعىتتارىنىڭ ءبىرى بولىپ تابىلادى.