شايبالى حوككەيدەن سلوۆاكيانىڭ براتيسلاۆا قالاسىندا ءوتىپ جاتقان 2026 جىلعى وليمپياداعا ىرىكتەۋ تۋرنيرىندە قازاقستان قۇراماسى ەكىنشى جەڭىسىنە قول جەتكىزدى، دەپ حابارلايدى aqshamnews.kz
D توبىنداعى ىرىكتەۋ ءتۋرنيرى اياسىنداعى ەكىنشى ماچتى قازاقستان قۇراماسى اۆسترياعا قارسى وتكىزدى.
وتە تارتىستى ويىننىڭ تاعدىرى سوڭعى مينۋتتاردا شەشىلدى.
الدىمەن قازاقستان قۇراماسىنىڭ ويىنشىسى دميتريي برەۋس ويىننىڭ 2-مينۋتىندا ەسەپ اشىپ، كوماندانى العا شىعاردى.
ال 43-مينۋتتا اۆستريالىق حوككەيشى رافاەل حەربۋرگەر ەسەپتى تەڭەستىردى.
اراعا ون مينۋت سالىپ تاميرلان گايتاميروۆ قازاقستان قۇراماسىن العا شىعاردى. ەسەپ - 2:1.
قازاقستان قۇراماسى ماچ سوڭىنا دەيىن وسى باسىمدىقتى ۇستاپ، توپتاعى ەكىنشى ماچتا جەڭىسكە جەتتى.
قىسقى وليمپيادا جولداماسىن توپتا جەڭىمپاز اتانعان كوماندا عانا يەلەنەدى. قازاقستاندىقتار شەشۋشى ماچتا سلوۆاكياعا قارسى وينايدى.