ءبىر جىل ىشىندە تاۋار اينالىمى 7%-عا ءوستى.
ءبىر جىل ىشىندە قازاقستان ەسپورتى بىردەن 11% ءوسىپ، يمپورت كولەمى 3% ۇلعايعان، دەپ حابارلادى Almaty-akshamy.kz Finprom.kz cايتىنا سىلتەمە جاساپ.
2021 جىلعى قاڭتار-شىلدەدە قازاقستان رەسپۋبليكاسىنىڭ تاۋار اينالىمى 53،7 ملرد دوللارعا جەتتى، بۇل ءبىر جىل بۇرىنعى كورسەتكىشتەن 7،4%-عا كوپ.
قازاقستاننىڭ تاۋار اينالىمىنىڭ باسىم بولىگى (59،7%) ەكسپورتقا تيەسىلى بولدى. وسى جىلدىڭ باسىنان بەرى قازاقستان سىرتقى نارىققا 32 ميلليارد اقش دوللارىنا ءونىم جەتكىزدى، بۇل وتكەن جىلدىڭ سايكەس كەزەڭىمەن سالىستىرعاندا 10،6% -عا كوپ.
يمپورت كولەمى 21،7 ملرد اقش دوللارىن قۇراپ، ءبىر جىل ىشىندە 3% -عا ءوستى.
كورسەتكىشتەر بويىنشا، ەڭ كوپ ساۋدا-ساتتىقتى قازاقستان رەسەيمەن جاسايدى: 12،7 ملرد اقش دوللارى - ءبىر جىل بۇرىنعى كورسەتكىشتەن 26،7% كوپ. ۇزدىك ءۇش ەلدىڭ قاتارىنا جۇڭگو (9،8 ميلليارد دوللار) مەن يتاليا (4،8 ميلليارد دوللار) كىرەدى.
جۇڭگو قازاقستاننان ەكسپورتتاۋدا كوش باستاپ تۇر. جىل باسىنان بەرى قازاقستان بۇل ەلگە 5،5 ميلليارد اقش دوللارىنا تاۋار جونەلتتى، بۇل وتكەن جىلمەن سالىستىرعاندا 5،6% -عا از. ەكسپورتتىڭ ايتارلىقتاي كولەمى يتالياعا (4،4 ملرد. اقش دوللارى) جانە رەسەيگە (3،9 ملرد. اقش دوللارى) كەتتى.
قازاقستانعا يمپورت بويىنشا رەسەي الدىڭعى ورىندا تۇر: 8،9 ملرد اقش دوللارى، بۇل ءبىر جىل بۇرىنعى كورسەتكىشتەن 19،4% -عا كوپ. ۇزدىك ۇشتىكتىڭ قاتارىنا جۇڭگو ($ 4،3 ملرد) مەن گەرمانيا ($ 1 ملرد) كىرەدى.
ۇستىمىزدەگى جىلى مينەرالدى ونىمدەر ەكسپورتتىڭ نەگىزگى تارماعىنا اينالدى: 21،4 ملرد اقش دوللارى نەمەسە قازاقستان رەسپۋبليكاسىنىڭ جالپى ەكسپورتتىق كولەمىنىڭ 66،7%. ونىڭ 18،3 ملرد دوللارى تىكەلەي وتىن -ەنەرگەتيكالىق ونىمدەرگە تيەسىلى بولدى.
ەكسپورتتىڭ تاعى 18،7% -ى مەتالدار مەن مەتالل ونىمدەرىنە (6 ملرد. اقش دوللارى)، 6،3% -ى جانۋارلار مەن وسىمدىكتەر مەن دايىن تاماق ونىمدەرىنە (2 ملرد. اقش دوللارى) تيەسىلى بولدى.
سونىمەن قاتار ماشينالار مەن جابدىقتار، كولىك قۇرالدارى، اسپاپتار مەن اپپاراتتار نەگىزگى يمپورتقا اينالدى: 8،5 ملرد اقش دوللارى. يمپورتتالاتىن تاۋارلاردىڭ باسقا تانىمال ساناتتارىنا - حيميا جانە ونىمەن بايلانىستى سالالار (3،7 ملرد دوللار) جانە جانۋارلار مەن وسىمدىكتەر ونىمدەرى، ونىڭ ىشىندە دايىن تاماق ونىمدەرى (2،5 ملرد دوللار) جاتادى.
