بۇل – قۇرلىق اسكەرىنىڭ وقۋ-جاتتىعۋى بولاتىن.
اسكەريلەردىڭ دايىندىعىن تەكسەرۋ ەرتەڭ اياقتالادى، دەپ حابارلايدى Almaty-akshamy.kz
قازاقستاننىڭ دەسانتتىق-شابۋىلداۋ اسكەرى الماتى وبلىسىنداعى «كوكتال» تاۋ پوليگونىندا قارۋلانعان توپتىڭ كوزىن جويدى. بۇل جاتتىعۋ كەزىندە اسكەريلەردىڭ ازىرلىگى ءارى بەيتانىس جەردە شاپشاڭ ارەكەت ەتۋ قابىلەتى تەكسەرىلدى.
جالپى، اسكەري وقۋ-جاتتىعۋ ەلدىڭ ءبىرقاتار پوليگونىندا جۇرگىزىلدى. اقتاۋ، الماتى، شىعىس قازاقستان مەن قىزىلوردا وڭىرىندە ورنالاسقان قۇرلىق اسكەرىنىڭ قۇرامالارى توتەنشە جاعداي مينيسترلىگى، ىشكى ىستەر مەن ۇلتتىق قاۋىپسىزدىك قىزمەتىمەن ءوزارا ءىس-قيمىلى پىسىقتالدى.
اسكەريلەردىڭ دايىندىعىن تەكسەرۋگە 9 مىڭعا جۋىق جەكە قۇرام جۇمىلدى. سونىمەن بىرگە 3 مىڭنان استام قارۋ-جاراق پەن اسكەري تەحنيكا، ونىڭ ىشىندە 66 ۇشۋ اپپاراتى مەن 8 اسكەري كەمە جاتتىعۋ ىسىنە قوسىلعان.