ەلىمىزدىڭ كانديداتۋراسىن وسى ۇكىمەتارالىق ۇيىمعا مۇشە 119 مەملەكەتتىڭ بارلىعى قولدادى.
ق ر ءسىم اقپاراتى بويىنشا، قازاقستان رەسپۋبليكاسى رەسمي تۇردە حالىقارالىق اسكەري مەديسينا كوميتەتىنە (حامك) باقىلاۋشى رەتىندە قابىلداندى، دەپ حابارلايدى Almaty-akshamy.kz
2022 جىلى ق ر بەلگياداعى ەلشىلىگىنىڭ باستاماسىمەن ق ر سىرتقى ىستەر مينيسترلىگى ق ر قورعانىس مينيسترلىگىمەن بىرلەسە مەملەكەتىمىزدىڭ ءتيىستى ءوتىنىشىن ەنگىزۋدى پىسىقتادى. اعىمداعى جىلدىڭ 5-9 قىركۇيەگى ارالىعىندا ۇيىمنىڭ بريۋسسەلدە وتكەن كەزەكتى الەمدىك كونگرەسى بارىسىندا مۇشە مەملەكەتتەر ونى وڭ باعالاعان.
قازاقستان دەلەگاسياسىنا ارناعان سوزىندە حامك 44ء-شى الەمدىك كونگرەسىنىڭ ءتوراعاسى ديەۆيد سميت قازاقستاننىڭ اسكەري-مەديسينالىق قىزمەتى اسكەري مەديسينا سالاسىنداعى حالىقارالىق ىنتىماقتاستىققا مازمۇندى ۇلەس قوسا الاتىنىنا سەنىمدى ەكەنىن جەتكىزدى.
ءوز كەزەگىندە، كەزدەسۋگە قاتىسۋشىلار الدىندا ءسوز سويلەگەن قازاقستاننىڭ بەلگياداعى ەلشىسى مارعۇلان بايمۇحان حامك-كە باقىلاۋشى مارتەبەسىن الۋ قازاقستاندىق ماماندارعا ۇيىمنىڭ مۇشە مەملەكەتتەردىڭ اسكەري-مەديسينالىق قىزمەتتەرىنىڭ كاسىبي دەڭگەيىن كوتەرۋگە باعىتتالعان بارلىق ءىس-شارالارىنا قاتىسۋعا مۇمكىندىك بەرەتىنىن جانە وسى ماڭىزدى سالادا تاجىريبە الماسۋ ءۇشىن پايدالى الاڭدى قامتاماسىز ەتەتىنىن باسا ايتتى.
قازاقستان رەسپۋبليكاسىنىڭ قارۋلى كۇشتەرىندە اسكەري قىزمەتشىلەردىڭ دەنساۋلىعىن قورعاۋ جانە مەديسينالىق جاردەمگە قۇقىقتارىن ىسكە اسىرۋدى قامتاماسىز ەتەتىن مەديسينالىق قامتاماسىز ەتۋدىڭ كوپ دەڭگەيلى جۇيەسى قالىپتاسقان جانە سەنىمدى جۇمىس ىستەۋدە. بۇگىندە قازاقستاننىڭ اسكەري مەديسينا جۇيەسى 20 اسكەري-مەديسينالىق مەكەمەنى جانە 130-دان استام مەديسينالىق بولىمشەنى قامتيدى.
ايتا كەتسەك، حامك الەمدەگى قارۋلى كۇشتەردىڭ مەديسينالىق قىزمەتتەرى اراسىنداعى ىنتىماقتاستىقتى نىعايتۋ ماقساتىندا 1921 جىلى قۇرىلعان. كوميتەت جارعىسى مەن تاريحي داستۇرىنە سايكەس باس حاتشىسىنىڭ كەڭسەسى بەلگيادا ورنالاسادى.
بۇل حالىقارالىق ۇيىم بۇۇ، دۇنيەجۇزىلىك دەنساۋلىق ساقتاۋ ۇيىمى جانە حالىقارالىق قىزىل كرەست كوميتەتىمەن تىعىز ىنتىماقتاستىقتا.
ونىڭ نەگىزگى مىندەتتەرى – بارلىق مەملەكەتتەردىڭ اسكەري مەديسينالىق قىزمەتتەرى اراسىنداعى كاسىبي ىنتىماقتاستىق بايلانىستارىن نىعايتۋ؛ عىلىمي زەرتتەۋلەردى ىلگەرىلەتۋ؛ اسكەري مەديسينا ءۇشىن ماڭىزدى ماسەلەلەر بويىنشا وقىتۋ، اتاپ ايتقاندا قارۋلى كۇشتەردىڭ مەديسينالىق قىزمەتىنىڭ جاس وفيسەرلەرىنىڭ بىلىكتىلىگىن ارتتىرۋ كۋرستارىن ۇيىمداستىرۋ .