شەتەلدەگى قانداستارعا قازاق ءتىلىن تەگىن ۇيرەتەتىن ونلاين كۋرستار ءوز جۇمىسىن باستادى

شەتەلدەگى قازاقتارعا جانە قازاق ءتىلىن ۇيرەنەمىن دەگەن شەتەلدىكتەرگە ونلاين تەگىن كۋرستارى قىركۇيەكتە قايتا اشىلدى.

بۇل جوبا «وتانداستار» قورىنىڭ قولداۋىمەن 2019 جىلى قولعا الىنعان. وسى ۋاقىت ارالىعىندا 300-گە تارتا ازامات ءتىلدى مەڭگەرگەنى تۋرالى سەرتيفيكاتتارىن العان، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

قور وكىلىنىڭ ايتۋىنشا، ونلاين كۋرستارعا جازىلۋشىلاردىڭ سانى جىل سايىن ارتىپ كەلەدى. مىسالى، بيىل كۋرسقا 900-گە جۋىق شەتەلدەگى قانداس پەن قىزىعۋشىلىق بىلدىرگەن وزگە ۇلت وكىلدەرى ءوتىنىش بەرگەن. ايتا كەتەيىك، قازىرگى تاڭدا قازاق ءتىلى - اعىلشىن، ورىس، تۇرىك جانە پارسى تىلدەرىن بىلەتىندەرگە وقىتىلۋدا.

«ا1،ا2، ب1 دەڭگەلەرىندە، ياعني دەڭگەي بويىنشا وتكىزىلەدى ونىڭ بارلىعى. بىزدە قاتىسۋشىلار كوبىنەسە رەسەي ەلىنەن، تۇركيا، ەۋروپا  جانە امەريكادا، ديماشتىڭ Dears-تارى دا بار. كۋرستاردىڭ ءبىر ەرەكشەلىگى ءار ەلدىڭ ۋاقىتىسىنا ىڭعايلى ەتىپ جاسالعان. ەندى وسى كۋرستاردىڭ اياسىندا بالالارعا ارنالعان ءارتۇرلى شىعارماشىلىق بايقاۋلار ءوتىپ جاتادى. سونىمەن قاتار، الداعى ۋاقىتتا «دوستار الاڭى» بالالارعا ارنالعان جوبا باستالادى. ول جايلى «وتانداستار» قورىنىڭ الەۋمەتتىك جەلىلەرىندە، سايتتارىندا تولىق اقپارات جاريالانادى»، - دەيدى «وتانداستار» قورىنىڭ شەتەلدەگى قانداستاردى قولداۋ دەپارتامەنتىنىڭ مەنەدجەرى ەڭلىك بەردىراحمانوۆا.