2023 جىلعى 1 ماۋسىمداعى دەرەككە سايكەس، ەلىمىزدەگى حالىق سانى 19 ملن 879 مىڭ ادام بولدى.
ۇلتتىق ستاتيستيكا بيۋروسىنىڭ دەرەگىنشە، جالپى حالىقتىڭ 61،9 پايىزى نەمەسە 1 2 297 100 ادام - قالادا، ال 38،14 پايىزى نەمەسە 7 581900 ادام - اۋىلدا تۇرادى، دەپ حابارلايدى Almaty-akshamy.kz
2023 جىلعى قاڭتار-مامىردا قازاقستانعا كەلگەندەر سانى 2022 جىلعى قاڭتار-مامىرمەن سالىستىرعاندا 91،8 پايىزعا ارتىپ، كەتكەندەر سانى 45 پايىزعا ازايدى.
ەلىمىزدەگى نەگىزگى كوشى-قون الماسۋى تمد مەملەكەتتەرىمەن وتۋدە.
تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى - 89،5 جانە تيىسىنشە 72،1 پايىزدى قۇرادى.
ەل ىشىندە قونىس اۋداراتىن كوشىپ-قونۋشىلار سانى 2،6 پايىزعا ازايدى.
ءوڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 3 وڭىرىندە بايقالدى: الماتى (12 145 ادام)، استانا (11 424 ادام) جانە شىمكەنت (571 ادام) قالالارىندا.