الماتى وبلىسىنىڭ توتەنشە جاعدايلار دەپارتامەنتى الداعى كۇندەرى وبلىس اۋماعىندا اۋا رايى 42 گرادۋسقا جەتەتىنىن ەسكەرتتى، دەپ حابارلايدى Almaty-akshamy.kz.
ۆەدومستۆونىڭ مالىمەتىنشە، قازگيدرومەتتىڭ 17 شىلدەدەگى داۋىلدى ەسكەرتۋى نەگىزىندە الماتى وبلىسىنىڭ سولتۇستىگىندە، وڭتۇستىگىندە، ورتالىعىندا 18-19 شىلدە كۇندەرى تۇستەن كەيىن 42 گرادۋس قاتتى ىستىق بولۋى مۇمكىن.
سونداي-اق 18-20 شىلدە اراسىندا جوعارى ءورت ءقاۋپى ساقتالادى. قونايەۆ قالاسىندا 18-19 شىلدەدە تۇستەن كەيىن 40-42 گرادۋس قاتتى ىستىق بولۋى ىقتيمال.
«الماتى وبلىسىنىڭ تجد ازاماتتاردى اۋا رايىنىڭ وزگەرۋىن باقىلاۋعا جانە ساقتىق شارالارىن ساقتاۋعا شاقىرادى. ءسىزدىڭ ايماعىڭىزداعى داۋىلدى ەسكەرتۋلەر جانە باسقا دا شۇعىل اقپارات تۋرالى جەدەل اقپارات الۋ ءۇشىن «دارمەن» تەگىن ءموبيلدى قوسىمشاسىن جۇكتەي الاسىز»، - دەپ ەسكەرتتى ۆەدومستۆودان.