ەلوردادا قازا تاپقان ءورت ءسوندىرۋشى اسقار زابيكۋلين جايىندا فيلم ءتۇسىرىلىپ جاتىر.
فيلم «قاھارمان» دەپ اتالادى.بۇل تۋرالى الەۋمەتتىك جەلىدەگى پاراقشادا مارقۇمنىڭ ايەلى انەل زابيكۋللينا جازدى، دەپ حابارلايدى Almaty-akshamy.kz Elorda.info-عا سىلتەمە جاساپ.
«ءقازىر اسقارعا جانە كۇن سايىن ءوز ءومىرىن قاتەرگە تىگىپ، وتپەن كۇرەسىپ جۇرگەن ءورت سوندىرۋشىلەر مەن قۇتقارۋشىلارعا ارنالعان «قاھارمان» سەريالى ءتۇسىرىلىپ جاتىر. استاناداعى ءتۇسىرىلىم الاڭىنا ءبىز دە باردىق. ول ماڭدا شامامەن 5 ساعاتتاي بولدىق. البەتتە، فيلم ءتۇسىرۋ – وڭاي ءىس ەمەس. ءتۇسىرىلىم الاڭى، جارىق، راكۋرس بۇل ءبىر عانا كورىنىستى ءتۇسىرۋ كەزىندە ءبىز كورگەن قيىندىقتاردىڭ از بولىگى. ءتۇسىرىلىم توبىنا العىس ايتامىن. فيلم كوپشىلىككە ۇنايدى دەپ ويلايمىن»، - دەپ جازدى مارقۇمنىڭ ايەلى.
ەسكە سالا كەتەيىك، اسقار زابيكۋلين 2022 جىلى 16 قاراشادا استاندا ءورت بولعان «قاھارمان» تۇرعىن ءۇي كەشەنىنىڭ تۇرعىندارىن قۇتقارۋ كەزىندە دەنەسىنىڭ 80 پايىزىن كۇيىك شالعان ەدى. دارىگەرلەر ونىڭ ءومىرى ءۇشىن بىرنەشە كۇن كۇرەستى. وكىنىشكە وراي، ول 20-قاراشا كۇنى اۋرۋحانادا كوز جۇمدى.