قازاقستان حالقىنىڭ بىرلىگى كۇنىنە ارنالعان قالالىق كونسەرت 1 مامىردا اباي الاڭىندا رەسپۋبليكا سارايىنىڭ الدىندا ساعات 10:00-دە وتەدى.
كونسەرت «جاسstars» توبىنىڭ جانە ق ر مەملەكەتتىك ەڭبەك سىڭىرگەن «سالتانات» بي ءانسامبلىنىڭ ورىنداۋىنداعى «قازاقستان – دوستىق بەسىگى» ۆوكالدىق-بي كومپوزيسياسىمەن اشىلادى. ەربولات قۇدايبەرگەنوۆ، رۇستەم نۇرجىگىت، دانيار وتەگەن، ءمادي رىمبايەۆا، ديلناز جانە ديلشات احمادييەۆتەر، تورەعالي تورەالى، ديدار كادەن، Aldaspan توپتارى جانە ت. ب. ونەر كورسەتەدى دەپ جوسپارلانۋدا.
الماتى - شىۇ-نىڭ 2023-2024 جىلدارداعى مادەني جانە تۋريستىك استاناسى. وسىعان وراي، حالقىمىزدىڭ بىرلىك كۇنى قالا تاتارستان، وزبەكستان جانە بەلارۋسسيادان كەلگەن قوناقتاردى قارسى الادى. كونسەرتكە حالىقارالىق بايقاۋلاردىڭ لاۋرەاتى زارينا حاسانشينا، وزبەكستاننىڭ، قاراقالپاقستاننىڭ، باشقۇرتستاننىڭ حالىق ءارتىسى جەڭىسبەك پيازوۆ جانە بەلارۋس رەسپۋبليكاسىنىڭ ەڭبەك سىڭىرگەن ءارتيسى جانەت بۋتەرۋس قاتىسادى. مەرەكەلىك كونسەرتتىڭ جالعاسى رەتىندە قازاق، ارميان، كورەي، كاۆكاز، تۇرىك، ۇيعىر، پولياك ۇلتتىق بيلەرى جانە قازاقستاننىڭ باسقا حالىقتارىنىڭ بيلەرى ۇسىنىلادى.
ءدال وسى كۇنى اباي الاڭىندا قازاقستان حالىقتارىنىڭ تاعامدارى فەستيۆالى وتەدى، وندا 15 مەيرامحانا قازاق، كورەي، گرۋزين، ورىس، ۇيعىر جانە ءۇندنىڭ ۇلتتىق تاعامدارىن ۇسىنادى.
1 مامىر كۇنى ساعات 11.00-دە جىبەك جولى، پانفيلوۆ كوشەلەرىندە جانە عىلىم اكادەمياسى عيماراتىنىڭ الدىنداعى ش.ءۋاليحانوۆ اتىنداعى سكۆەردە مەرەكەلىك ءىس-شارالار وتەدى. كونسەرتتىك باعدارلامالار "الماتى اۋەندەرى" ارتىستەرىنىڭ جانە "الاتاۋ" ءداستۇرلى ونەر تەاترىنىڭ، قازاقستان حالقى اسسامبلەياسىنىڭ، مۋزىكالىق توپتار مەن دي - دجەيلەردىڭ قاتىسۋىمەن جوسپارلانعان.
مەرەكەلىك شارالار قالانىڭ باسقا اۋداندارىندا دا وتەدى:
- الاتاۋ اۋدانىندا مەرەكەلىك شارا اتلەتتەر اۋىلىندا ساعات 14:00-دە وتەدى؛
- المالى اۋدانىندا ارباتتا (جىبەك جولى كوشەسى) ساعات 15:00-دەن 17:00-گە دەيىن مەرەكەلىك كونسەرت، كورمە جانە تاعام فەستيۆالى وتەدى؛
- اۋەزوۆ اۋدانىندا «حالىق بىرلىگى كۇنىنە» ارنالعان ءتۇرلى ۇلتتتاردىڭ كورمەلەرى جانە مەرەكەلىك كونسەرت Family Park دەمالىس ساياباعىندا ساعات 11: 00-دە وتەدى؛
- بوستاندىق اۋدانىندا مەرەكەلىك ءىس-شارا MEGA Alma-Ata سوو-دا ساعات 11:00-دە وتەدى؛
- جەتىسۋ اۋدانىندا مەرەكەلىك باعدارلاما «گۇلدەر» ساياباعىندا ساعات 11: 00-دە وتەدى؛
- مەدەۋ اۋدانىندا مەرەكەلىك ءىس-شارا عىلىم اكادەمياسى عيماراتىنىڭ الدىنداعى الاڭدا (شيەۆچەنكو كوشەسى، 28) ساعات 11:00-دە وتەدى؛
- ناۋرىزباي اۋدانىندا مەرەكەلىك كونسەرت اۋداندىق اكىمدىك عيماراتىنىڭ الدىندا (شۇعىلا شاعىن اۋدانى، 347) ساعات 11:00-دە وتەدى؛
- تۇركسىب اۋدانىندا №6 وقۋشىلار ۇيىندە (سەيفۋللين داڭعىلى،13) ساعات 12:00-دە كونسەرت بولادى.