ۇرلىق جاسادى دەگەن كۇدىكپەن 24 جاستاعى جىگىت ۇستالدى.
جاس جىگىت ويىن پريستاۆكاسىن يەلەنگىسى كەلگەن سياقتى. ول تەحنيكا ساتاتىن دۇكەندەردىڭ بىرىندە Nintendo Swish OLED White ويىن پريستاۆكاسىنا كوز تىككەن، دەپ حابارلايدى Akshamy.kz Polisia.kz-كە سىلتەمە جاساپ.
«ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا 24 جاستاعى و.ەسىمدى ازاماتتى ۇستادى. قولايلى ءساتتى پايدالانعان كۇدىكتى دۇكەنگە كىرىپ، ويىن پريستاۆكاسىن ۇرلاپ كەتكەن. ۇستالعان ازامات ۇرلىققا قاتىسى بارىن جوققا شىعارمايدى. اتالعان دەرەك ق ر قك-نىڭ 188-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلگەن. قاجەتتى تەرگەۋ امالدارى جۇرگىزىلىپ جاتىر»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ سانالادى.