الماتى اكىمى ەربولات دوسايەۆ الماتىنىڭ قالا قۇرىلىسى كەڭەسىن قۇرۋ تۋرالى قاۋلىعا قول قويدى

اعىمداعى جىلدىڭ 30 ماۋسىمىندا مەملەكەت باسشىسى قاسىم-جومارت توقايەۆ ق ر «الماتى قالاسىنىڭ ايرىقشا مارتەبەسى تۋرالى» زاڭىنا، ونىڭ ىشىندە قالا قۇرىلىسى كەڭەسىن قۇرۋ تۋرالى ەرەجەنى قامتيتىن تۇزەتۋلەرگە قول قويدى. ونىڭ مىندەتى – قالا قۇرىلىسى ساياساتىن ىسكە اسىرۋ كەزىندە شەشىمدەر قابىلداۋدىڭ تيىمدىلىگىن ارتتىرۋ جانە قالانىڭ ورنىقتى جانە تەڭگەرىمدى دامۋىن قامتاماسىز ەتۋ. وزگەرىستەر العاشقى رەسمي جاريالانعان كۇننەن كەيىن كۇنتىزبەلىك 60 كۇن وتكەن سوڭ، ياعني 2022 جىلعى 1 قىركۇيەكتەن باستاپ قولدانىسقا ەنگىزىلەدى، دەپ حابارلايدى اlmaty-akshamy.kz.

1 تامىزدا الماتى اكىمى ە. دوسايەۆقا قالا قۇرىلىسى كەڭەسىن قۇرۋ جونىندەگى قۇجاتتاردىڭ جوباسى ۇسىنىلدى جانە قاۋلىنى، ەرەجەنى ازىرلەۋ جانە ونىڭ قۇرامىن بەكىتۋ جونىندەگى راسىمدەر باستالدى. بۇگىن، 19 تامىزدا، ءتيىستى قاۋلىعا قالا اكىمى قول قويدى.

قۇجات ارقىلى الماتى قالاسى اكىمدىگى بەكىتەتىن 23 ادامنان اسپايتىن كەڭەستىڭ قۇرامى، سونداي-اق فۋنكسيالارى، وكىلەتتىكتەرى، قۇرىلىمى مەن جۇمىس ءتارتىبى بەكىتىلدى. قالا قۇرىلىسى كەڭەسىنىڭ مۇشەلەرى – ساۋلەت، قالا قۇرىلىسى، ۋربانيستيكا، كولىك، ينكليۋزيا، ەكولوگيا، كرەاتيۆتى ەكونوميكا، الەۋمەتتانۋ، ەكونوميكا جانە ت.ب. سالالارداعى ساراپشىلار. سونىمەن قاتار، كەڭەس وتىرىستارىنا قارالاتىن ماسەلەلەردىڭ ەرەكشەلىگىنە بايلانىستى شاقىرىلعان وزگە ساراپشىلار دا قاتىسا الادى.

الماتىنىڭ قالا قۇرىلىسى كەڭەسى ىسكە اسىرۋعا ۇسىنىلاتىن قالا قۇرىلىسى جانە ساۋلەت جوبالارى بويىنشا شەشىمدەردى اشىق تالقىلاۋ جانە قابىلداۋ ءۇشىن كونسۋلتاتيۆتىك-كەڭەسشى ورگان بولىپ تابىلادى.

قالا قۇرىلىسى كەڭەسىنىڭ نەگىزگى فۋنكسيالارى:

- قالا اۋماعىندا ساۋلەت، قالا قۇرىلىسى جانە قۇرىلىس قىزمەتى سالاسىندا شەشىمدەر قابىلداۋ كەزىندە مەملەكەتتىك ساياساتتى ىسكە اسىرۋدا جەرگىلىكتى اتقارۋشى ورگاندارعا جاردەمدەسۋ؛

- تۇرعىن ءۇي، قوعامدىق، كوممۋنالدىق-وندىرىستىك جانە ونەركاسىپتىك كەشەندەردىڭ ەسكيزدىك جانە جۇمىس جوبالارى، قوعامدىق اۋماقتاردى، ساياباقتاردى، سكۆەرلەردى، باقتاردى، بۋلۆارلاردى، ارنايى ايماقتاردى قايتا قۇرۋ جوبالارى، ءارتۇرلى ماقساتتاعى جەكە عيماراتتار، ينجەنەرلىك جانە كولىكتىك ينفراقۇرىلىم جەلىلەرى مەن قۇرىلىستارى، ونەر وبەكتىلەرى، تاريح، ساۋلەت مادەنيەتى ەسكەرتكىشتەرى بويىنشا ۇسىنىمداردى قاراۋ جانە ازىرلەۋ؛

- ءال-فارابي داڭعىلىنان جوعارى قالا قۇرىلىسى جانە جالپى قۇرىلىس جوبالارىن قاراۋ؛

- مادەني ماقساتتاعى وبەكتىلەردى سالۋ، رەكونسترۋكسيالاۋ جانە جوندەۋ جونىندەگى جوبالاردى قاراۋ؛

-تۇرعىن ءۇي قورىن رەنوۆاسيالاۋ بويىنشا جوبالاردى قاراۋ.

تولىعاق سىلتەمە ارقىلى تانىسالاسز

قالا قۇرىلىسى كەڭەسىنىڭ قۇرامى (www.gov.kz)