«قازاقستان حالقىنا قورى» الەۋمەتتىك جوبالاردى جۇزەگە اسىرىپ جاتىر

قور مەملەكەت باسشىسىنىڭ قولداۋىمەن 2022 جىلى قۇرىلعان.

قور قۇرىلعان ساتتەن باستاپ دەنساۋلىق ساقتاۋ، ءبىلىم بەرۋ، الەۋمەتتىك قولداۋ جانە وڭالتۋ سالالارىنداعى كۇرمەۋلى ماسەلەلەرگە قارجىلاي قولداۋ كورسەتۋ ماقساتىندا ءبىرقاتار جوبالاردى جۇزەگە اسىرۋدا، دەپ حابارلايدى Almaty-akshamy.kz

اتالعان باعىتتا سوڭعى 2 جىلدا ايماققا 3،0 ملرد تەڭگە قارجى بولىنگەن.

اتاپ ايتقاندا، ونكولوگيالىق سكرينينگ جۇرگىزۋگە ارنالعان قۇنى 1،1 ملرد تەڭگەنى قۇرايتىن 2 جىلجىمالى مەديسينالىق كەشەن ءوز جۇمىسىنا كىرىستى. جىلجىمالى كەشەن العاش رەت تابىستالعان رەسپۋبليكانىڭ 3 ءوڭىرىنىڭ ءبىرى رەتىندە قىزىلوردا وبلىسى تاڭدالدى. كەشەن حالىقتىڭ دەنساۋلىعىنداعى كىناراتتى ەرتە انىقتاۋدىڭ مۇمكىندىگىن ارتتىرادى.

بۇل ءوز كەزەگىندە، شالعاي ەلدى مەكەندەردەگى تۇرعىنداردىڭ جوعارى مامانداندىرىلعان مەديسينالىق كومەككە قولجەتىمدىلىگىن ارتتىرۋعا، ورتاشا ءومىر ءسۇرۋ جاسىن ۇزارتۋعا مۇمكىندىك بەرەدى.

2 كولىكتەن تۇراتىن جىلجىمالى مەديسينالىق كەشەن توموسينتەز فۋنكسياسى بار ساندىق مامموگرافيالىق جابدىقپەن، ساراپشىلىق دەڭگەيدەگى ۋلترادىبىستىق جۇيەمەن جانە جوعارى دالدىكپەن زەرتتەيتىن كومپيۋتەرلىك توموگرافپەن جابدىقتالعان. ەكى قۇرال دا جاپونيادا جاسالعان. مۇنداي كلاستاعى جانە كونفيگۋراسياداعى مەديسينالىق جابدىق قازاقستاندا العاش رەت قولدانىسقا بەرىلۋدە.

"QH دەنساۋلىق جولى" جوباسىنىڭ ىسكە اسىرىلۋى ونكولوگيالىق اۋرۋعا شالدىققانداردى ەرتە ساتىدا انىقتاۋعا مۇمكىندىك بەرەدى. حالىقتى ونكولوگيالىق سكرينينگپەن قامتۋ بويىنشا قازىرگى جوسپار 60%-دى قۇرايدى. جوبانى ەنگىزۋ ارقىلى پيلوتتىق وڭىرلەر بويىنشا تەكسەرۋمەن قامتۋدى 70%-عا دەيىن ۇلعايتۋ كوزدەلۋدە.

اتاپ ءوتۋ كەرەك، جىلجىمالى كەشەن 22 قاراشادان باستاپ، بايقوڭىر قالاسىندا ءوز جۇمىسىن باستادى. ال، جەلتوقسان ايىنىڭ باسىنان ارال، قازالى، قارماقشى، جالاعاش، سىرداريا، اۋداندارىنا شىعىپ، جىل اياعىنا دەيىن 2 مىڭنان اسا تۇرعىندى ونكوسكرينينگتەن وتپەگەن ماقساتتى كونتينگەتتى جانە دە ساقتاندىرىلماعان ازاماتتاردى جىلجىمالى مەديسينالىق كەشەننىڭ زەرتتەۋ تۇرلەرىمەن قامتۋ جوسپارلانۋدا.

ءموبيلدى بريگادا قۇرامى 12 مامانمەن، اتاپ ايتقاندا ونكولوگ دارىگەرى، ۋلترادىبىستىق زەرتتەۋ دارىگەرى، ساۋلەلىك دياگنوستيكا دارىگەرى، رەنتگەن-لابورانت جانە ت.ب ماماندارىمەن قامتىلعان.