مەملەكەت باسشىسى قاسىم-جومارت توقايەۆتىڭ توراعالىعىمەن قازاقستان حالقى اسسامبلەياسىنىڭ «ادىلەتتى قازاقستان: بىرلىك، تۇراقتىلىق، دامۋ» اتتى ءحححىى سەسسياسىنىڭ وتىرىسى باستالدى، دەپ حابارلايدى Almaty-akshamy.kz اقوردا-عا سىلتەمە جاساپ.
«ەلىمىز جاقىندا قازاقستان حالقىنىڭ بىرلىگى كۇنىن اتاپ وتەدى. بۇل – ىرىس-ىنتىماقتى، تاتۋلىق پەن كەلىسىمدى دارىپتەيتىن مەيرام. قازاقستان ءۇشىن بۇل اسا ماڭىزدى مەرەكە. ەلىمىز بىرلىك كۇنىن مىندەتتى تۇردە اتاپ ءوتۋى ءتيىس. سەبەبى قاسيەتتى وتانىمىزدىڭ ىرگەسى ءبۇتىن، تۇعىرى مىعىم بولسىن دەسەك، بىرلىگىمىز ءارقاشان بەكەم بولۋى كەرەك. بۇل – انىق اقيقات. اسسامبلەيانىڭ القالى جيىنىن جىل سايىن ەل بىرلىگى كۇنىنە وراي وتكىزۋ داستۇرگە اينالدى. بۇل سەسسيا – كوكتەم مەزگىلىندە مەملەكەتتىك دەڭگەيدە وتەتىن ەڭ اۋقىمدى ءىس-شارا. مۇندا ەلىمىز ءۇشىن وتە ماڭىزدى ۇسىنىستار ايتىلادى. مەن بىلتىرعى سەسسيادا اتا زاڭىمىزعا وزگەرىستەردى رەفەرەندۋم ارقىلى ەنگىزۋ تۋرالى باستاما كوتەردىم. كوپ ۇزاماي حالقىمىز ءوزىنىڭ تاريحي تاڭداۋىن جاسادى. كونستيتۋسياعا ەنگىزىلەتىن وزگەرىستەردى قولداپ داۋىس بەردى»،-دەدى قاسىم-جومارت توقايەۆ بۇگىنگى وتىرىستىڭ اشىلۋىندا.