الاتاۋ اۋدانى تۇرعىنىنىڭ سۇراعى:
- ءبىزدىڭ پيك 2022 جىلدىڭ مامىر ايىندا رۇقساتسىز 4 ميب قۇردى: ەكى ءتوراعاسىن ەشقاشان كورگەن ەمەسپىز. ميب-كە وتكەن كەزدە نەگىزگى شارت مەملەكەتتىك اۋديت بولسىن دەپ ۇسىنىس جاساعىم كەلەدى. مەنىڭ ەكىنشى ۇسىنىسىم قۇرىلىس سالۋشىلاردىڭ پيك پەن جشس-گە قاتىستى. ولار وزدەرىن سەرۆيستىك كومپانيا دەپ وزگەرتىپ، ءبىزدىڭ قارجىمىزدى ودان ءارى پايدالانۋدى جالعاستىرعىسى كەلەدى. تۇرعىنداردىڭ پىكىرلەرى ەكىگە ءبولىندى. ءبىرى ءميب-تىڭ نە ەكەنىن بىلمەيدى. ءبىراق مەملەكەت الاياقتىق ارەكەتتەردەن قورعاۋ ءۇشىن، اشىقتىق ءۇشىن ونى قۇرۋعا دايىنبىز.
الماتى قالاسىنىڭ اكىمى ەربولات دوسايەۆتىڭ جاۋابى:
- بىرىنشىدەن، بىزدە پيك جۇمىسىنا مەملەكەتتىك اۋديت جۇرگىزۋگە مۇمكىندىك جوق. پيك – بۇل ءبىر كەزدەرى سىزدەر قۇرعان ءوزىن-وزى باسقارۋ ورگانى. ءسىز ءوز ەركىڭىزبەن ۇيىڭىزگە، كىرەبەرىسىڭىزگە، اۋلاڭىزعا قىزمەت كورسەتۋگە اقشا بەردىڭىز. ەگەر بارلىعى اۋلانىڭ جاقسى ءارى تازا بولۋىنا، شامداردىڭ جانىپ، كۇتىمدە بولۋىن قالاسا، ءبىز قارسى ەمەسپىز. قوسىمشا ۇسىنىسىڭىزدى جازباشا تۇردە بەرسەڭىز بولادى.
بيىل ءبىز ۇيىشىلىك اۋماقتاردى تازارتۋعا 8،6 ملرد تەڭگە بولدىك. بۇگىن ميب پەن تس مۇنىمەن اينالىسپايدى. جەكەلەگەن جاعدايدا مەن تاپسىرما بەرەمىن: سىزدەردىڭ ديرەكتورلارىڭىزدى تابۋعا جانە ءبارىن رەتكە كەلتىرۋگە كومەكتەسەمىز. ءبىراق تۇرعىندار وزدەرى جينالىپ، قانداي اۋلانى قالايتىنىن انىقتاماسا، ءبىز ولار ءۇشىن شەشە المايمىز.
قۇقىقتىق ساۋاتتىلىق ماسەلەلەرى بويىنشا: ميب پەن تس دەگەن نە، ادىلەت دەپارتامەنتىنىڭ زاڭگەرلەرى، جەكە كومپانيالار زاڭ كومەگىن كورسەتىپ، سىزدەردىڭ قانداي قۇقىقتارىڭىز بار، نە ىستەۋگە بولاتىنىن ءتۇسىندىرۋى ءۇشىن قاجەتتى قارجىنى ءبولۋعا تاپسىرما بەرەمىن.