الماتىدا جاياۋ جۇرگىنشىنى قاعىپ كەتكەن اۆتوبۋس جۇرگىزۋشىسى جالعان جۇرگىزۋشى كۋالىگىن جاساعان.
29 جاستاعى قوعامدىق كولىك جۇرگىزۋشىسى 2022 جىلدىڭ قازان ايىندا تولە بي داڭعىلىمەن شىعىس باعىتتا كەلە جاتىپ، بەلگىلەنبەگەن جەردەن جولدىڭ وڭتۇستىگىنە قاراي ءوتىپ بارا جاتقان ايەلدى قاعىپ كەتكەن. ونىڭ جۇرگىزۋشى كۋالىگى جالعان بولىپ شىققان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل دەرەك ق ر قك-نىڭ 345-بابى 2-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. سوت-مەديسينالىق ساراپتاماسىنىڭ قورىتىندىسىنا سايكەس، جكو سالدارىنان جاياۋ جۇرگىنشىنىڭ دەنساۋلىعىنا اۋىر زيان كەلگەن. تەرگەۋ بارىسىندا جۇرگىزۋشىنىڭ جۇرگىزۋشى كۋالىگى كۇدىك تۋدىردى. ارنايى ساراپتاما ونىڭ قولدان جاسالعانىن انىقتادى. بۇل دەرەك تاعى ءبىر قىلمىستىق ءىستى تىركەۋگە نەگىز بولدى. جاقىندا سوت ۇكىمى شىقتى»، – دەدى الماتى قالالىق پد انىقتاۋ باسقارماسىنىڭ باستىعى ولجاس ءشارىپوۆ.
مەدەۋ اۋدانىنىڭ №2 سوتىنىڭ قاۋلىسىمەن 29 جاستاعى ج.ەسىمدى ازامات ق ر قك-نىڭ 385-بابىنىڭ 2،3 بولىگى بويىنشا قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ، ەكى جىلعا باس بوستاندىعىن شەكتەۋ جانە 80 ساعات قوعامدىق جۇمىسقا تارتۋ جازاسى تاعايىندالدى.