قازاقستان حالقى اسسامبلەياسى پارلامەنت ماجىلىسىنە ەكى كانديداتتى ۇسىندى. بۇل تۋرالى ق ر ورتالىق سايلاۋ كوميسسياسىنان ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇگىن ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ توراعالىعىمەن ۆەدومستۆو وتىرىسى ءوتتى. وندا ق ر پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا سايلاۋ ءۇشىن قازاقستان حالقى اسسامبلەياسىنان ۇسىنىلعان كانديداتتاردى تىركەۋ ماسەلەسى قارالدى. داۋىس بەرۋ بيىلعى 28 ساۋىرگە تاعايىندالعان.
قازاقستان حالقى اسسامبلەياسى كەڭەسىنىڭ شەشىمىمەن ءماجىلىس دەپۋتاتتىعىنا 2 كانديدات ۇسىنىلدى:
1) كۋزييەۆ زاكيرجان پيرمۋحامەدوۆيچ – 1969 جىلى تۋعان، ۇيعىر، «ۋنيۆەرسال» ج ش س باقىلاۋ كەڭەسىنىڭ ءتوراعاسى، الماتى قالاسىندا تۇرادى؛
2) تۆاريوناس ۆيتاليي يونو – 1964 جىلى تۋعان، ۇلتى ليتۆالىق، «ۆيكينگ» «مەملەكەتتىك ەمەس كۇزەت قۇرىلىمى» ج ش س زاڭگەرى، قاراعاندى قالاسىندا تۇرادى.
ورتالىق سايلاۋ كوميسسياسىنىڭ مۇشەلەرى اتالعان كانديداتتاردى تىركەۋ تۋرالى قاۋلى قابىلدادى. ۇمىتكەرلەر سايلاۋ بيۋللەتەنىنە ەنگىزىلەدى.
ايتا كەتەيىك، سايلاۋ بيۋللەتەنىنە «بارىنە قارسىمىن» جولى ەنگىزىلەدى. سايلاۋ بيۋللەتەندەرى مەملەكەتتىك تىلدە جانە ورىس تىلىندە باسىلادى.