قازاقستاندىق جاس تەننيسشىلەر الەم چەمپيوناتىنىڭ ىرىكتەۋ كەزەڭىن جەڭىسپەن باستادى
ءۇندىستاننىڭ نيۋ-دەلي قالاسىندا جاسوسپىرىمدەر اراسىندا Davis Cup كۋبوگىنىڭ (الەم چەمپيوناتى) ىرىكتەۋ كەزەڭى باستالدى، دەپ حابارلايدى almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، قازاقستان قۇراماسى D توبىندا شري-لانكا، تايلاند جانە ۆەتنام كوماندالارىمەن وينايدى.
قازاقستاندىق جاسوسپىرىمدەر بۇگىن باستاپقى كەزدەسۋىندە شري-لانكا تەننيسشىلەرىن جەڭدى.
ءبىرىنشى بولىپ كورتقا شىققان ءامىر ومارحانوۆ تيلا ديسياناكيمەن باسەكەنىڭ ءبىرىنشى پارتياسىندا قارسىلاسىنا بىردە-بىر گەيم بەرگەن جوق – 6:0. تارتىستى وربىگەن ەكىنشى سەت سوڭىندا ءامىر برەيك جاساي الدى – 7:5.
ەكىنشى ويىندا دانير قالدىبەكوۆ ۆيشين نيلاۆەرانى 6:3، 6:4 ەسەبىمەن ۇتتى.
جۇپتىق سىندا ءامىر ومارحانوۆا ۆيتاليي زاسەپينمەن بىرگە ءبىر ساعاتتان ءسال استام ۋاقىتتا ۆ.نيلاۆەرا – ليسال گۋنيتيلەكەنى تىزە بۇكتىردى – 6:4، 6:4.
وسىلايشا قازاقستاندىقتار قارسىلاسىنان 3:0 ەسەبىمەن باسىم ءتۇستى.