سپورتتىق گيمناستيكادان قازاقستان قۇراماسى تاشكەنتتە ءوتىپ جاتقان Challenge Cup حالىقارالىق تۋرنيرىندە ءۇش بىردەي جۇلدەگە قول جەتكىزدى، دەپ حابارلايدى Aqshamnews.kz ءتىلشىسى ۇلتتىق وليمپيادا كوميتەتىنە سىلتەمە جاساپ.
ەرلەر اراسىنداعى قوس سىرىق جاتتىعۋىندا ءىلياس ءازىزوۆ 13.100 ۇپايمەن كۇمىس جۇلدەگەر اتانسا، ونىڭ كوماندالاسى دميتريي پاتانين 12.700 ۇپايمەن قولا مەدالعا يە بولدى. بۇل باعدارلامادا ءبىرىنشى ورىندى وزبەكستاندىق احرورحون تەميرحونوۆ 13.550 ۇپايمەن جەڭىپ الدى.
ال ايەلدەر اراسىنداعى بورەنە جاتتىعۋىندا كوركەم ەربوسىن قىزى 12.100 ۇپاي جيناپ، ءۇشىنشى ورىنعا تابان تىرەدى. بۇل سىندا التىن جۇلدە الجير سپورتشىسى كايليا نەمۋرعا (13.300 ۇپاي)، كۇمىس مەدال وزبەكستان وكىلى وديناحون روبيدجونوۆاعا (12.500 ۇپاي) بۇيىردى.