سەمەيدە جوعالىپ كەتكەن 7 جاستاعى امانعالي بەكبولات امان-ەسەن تابىلدى، دەپ حابارلايدى Aqshamnews.kz ءتىلشىسى.
اباي وبلىستىق پوليسيا دەپارتامەنتىنىڭ مالىمەتىنشە، 2018 جىلى تۋعان بالا 14 ماۋسىم كۇنى كەشكىسىن ۇيىنەن شىعىپ كەتىپ، قايتا ورالماعان. ونىڭ جوعالعانى تۋرالى اقپارات الەۋمەتتىك جەلىلەر ارقىلى تاراپ، جۇرتتىڭ نازارىن تۋدىردى.
بالادا اۋتيزم دياگنوزى بار جانە دامۋ ەرەكشەلىكتەرى بايقالعان. ىزدەستىرۋ جۇمىستارىنا پوليسيا قىزمەتكەرلەرى، ۇلتتىق ۇلان ساربازدارى مەن ەرىكتىلەر جۇمىلدىرىلدى.
ءتۇنى بويى جالعاسقان ىزدەۋ جۇمىستارى ناتيجەسىندە، 15 ماۋسىم كۇنى تاڭەرتەڭ امانعالي ۇيىنەن شامامەن 10 شاقىرىم جەردەگى ورمان القابىنان امان-ەسەن تابىلدى. ءقازىر ول دارىگەرلەردىڭ باقىلاۋىندا.