بۇل تۋرالى ق ر ەنەرگەتيكا ءمينيسترى بولات اقشولاقوۆ مالىمدەدى.
مينيستر ەكسپورتتى باستاۋ ءۇشىن رەسەيدىڭ جاۋابى كەرەك ەكەنىن ايتتى، دەپ حابارلايدى Almaty-akshamy.kz
ويتكەنى مۇناي وسى ەلدىڭ اۋماعى ارقىلى تاسىمالدانادى.
ۇكىمەت وتىرىسىندا ق ر ەنەرگەتيكا ءمينيسترى بولات اقشولاقوۆ قازاقستاندىق مۇنايدى گەرمانياعا ەكسپورتتاۋ مۇمكىندىگىنە قاتىستى پىكىر ءبىلدىردى، دەپ حابارلايدى Zakon.kz.
ونىڭ ايتۋىنشا، ەندى جىلىنا 1،5 ميلليون تونناعا دەيىن ەكسپورتتاۋ جوسپارلانىپ وتىر.
«ءبىز التى ميلليونعا دەيىن ەكسپورتتاي الامىز. ءبىراق گەرمانيانىڭ قاجەتتىلىگى، ارينە، جوعارى. ءبىز رەسەي فەدەراسياسىنداعى ارىپتەستەردەن رەسمي راستاۋدى كۇتتىك، ويتكەنى ولاردىڭ شەكاراسى ارقىلى وتەدى. ءبىز اۋىزشا راستاۋدى الدىق. مەنىڭشە، ەشقانداي پروبلەما بولمايدى»، - دەدى بولات اقشولاقوۆ.
مينيستر ەكسپورتقا جەتكىلىكتى قۋات بولاتىنىنا سەنىمدى.
«بىزدە جاۋاپ اۋىزشا، ءالى جازباشا تۇردە جوق. بۇل نارسە قيىنعا سوقپايدى دەپ ويلايمىن، قۋاتى جەتكىلىكتى. ەڭ باستىسى، تۇتىنۋشىلار قابىلداپ الادى. بىزدە رەسەي فەدەراسياسىمەن جەتكىزۋگە قاتىستى ۇلكەن پروبلەمالار بولعان ەمەس. جالپى العاندا، بۇل جىلىنا 1،5 ميلليونعا دەيىن جەتۋى مۇمكىن. ءبىراق ءبىز بەرە الاتىن ەڭ كوبى جىلىنا 6 ميلليون توننا»، - دەدى ول.
بولات اقشولاقوۆتىڭ ايتۋىنشا، ءبىرىنشى پارتيا راستاۋ العان بويدا جونەلتىلەدى جانە كولىك ۇيىمدارى دا ءتيىستى كەلىسىمدەرگە قول قويۋى قاجەت.