گەرمانيانىڭ فەدەرالدىق كانسلەرى ولاف ءشولستىڭ قازاقستانعا رەسمي ساپارى اياسىنداعى «قازاقستان-گەرمانيا» بيزنەس-فورۋمىندا SVEVIND ENERGY-مەن ءوزارا ىنتىماقتاستىق تۋرالى مەموراندۋمعا قول قويۋ ءراسىمى ءوتتى، دەپ حابارلايدى aqshamnews.kz.
Svevind Energy-جاڭارتىلاتىن ەنەرگەتيكالىق جوبالاردى ازىرلەۋگە ارنالعان Svevind كومپانيالار توبىنىڭ بولىگى.
Svevind 30 جىلدان استام تاجىريبەسى بار جانە جەردەگى جەل ەلەكتر ستانسيالارىن، سونداي-اق جاڭارتىلاتىن ەنەرگيا جانە سۋتەگى جوبالارىن ءساتتى جوسپارلاۋ، ازىرلەۋ، جوبالاۋ، قارجىلاندىرۋ، ساتۋ جانە پايدالانۋ تاريحى بار.
وسى مەموراندۋمنىڭ ماقساتى تاراپتار اراسىنداعى جوعارى ءبىلىم جانە عىلىم سالاسىنداعى، اتاپ ايتقاندا جاسىل سۋتەكتى زەرتتەۋ، كليماتتىڭ وزگەرۋى جانە جاڭا تەحنولوگيالاردى پايدالانۋ جونىندەگى ىنتىماقتاستىقتى دامىتۋ جانە نىعايتۋ بولىپ تابىلادى.