«QazIndustry» قازاقستاندىق يندۋستريا جانە ەكسپورت ورتالىعى» اق ق ر ونەركاسىپ جانە قۇرىلىس مينيسترلىگىنىڭ قولداۋىمەن ونەركاسىپتىك كاسىپورىندارعا سيفرلىق ترانسفورماسيا جانە يندۋستريا 4.0 باعىتى بويىنشا تەگىن وقىتۋ ۆەبينارلارىن ۇيىمداستىرۋدى جالعاستىرۋدا.
كەزەكتى وقىتۋ سيكلى اعىمداعى جىلدىڭ 18 قىركۇيەگى مەن 1 قاراشا كۇندەرى ارالىعىندا وتەدى، دەپ حابارلايدى aqshamتۋسىيۋليا
ونەركاسىپتىك كاسىپورىنداردىڭ وكىلدەرى مەن توپ-مەنەدجەرلەرىن اتالمىش وقىتۋ ۆەبينارلارىنا قاتىسۋعا شاقىرامىز.
ۆەبينارلاردىڭ نەگىزگى ماقساتى – يندۋستريا 4.0 تۇجىرىمداماسى مەن سيفرلىق تەحنولوگيالاردى ەنگىزۋ تۋرالى تۇسىنىكتەر قالىپتاستىرۋ، سونداي-اق سيفرلىق ترانسفورماسيا قۇرالدارىن وندىرىستە قولدانۋ ماسەلەلەرىن تالقىلاۋ بولىپ تابىلادى.
سپيكەرلەر وندىرىستىك پروسەستەردى اۆتوماتتاندىرۋ باعىتىنداعى كومپيۋتەرلىك كورۋ جانە ماشينالىق وقىتۋ تەحنولوگيالارىن پايدالانۋ تاجىريبەلەرىمەن بولىسەدى، سونىمەن قاتار عيماراتتى باسقارۋ جۇيەلەرى (BMS)، ەنەرگەتيكا، اقىلدى قالالار، سۋدى تازارتۋ جانە ونەركاسىپتىڭ باسقا دا سالالارىنداعى ناقتى جوبالاردىڭ مىسالدارى ارقىلى يننوۆاسيالىق تەحنولوگيالاردى ەنگىزۋ تۋرالى اقپاراتتارمەن بولىسەدى.
ۆەبينارلارعا قاتىسۋ ءۇشىن QazIndustry سايتىنداعى «يندۋستريا 4.0. ۆەبينارلار» بولىمىندەگى ارنايى نىساندى تولتىرۋ ارقىلى الدىن الا تىركەلۋ قاجەت: https://qazindustry.gov.kz/mission/vebinar/.
سونداي-اق، وقىتۋ ءىس-شارالارىنىڭ اياسىندا PcVue باعدارلامالىق پلاتفورماسىن ازىرلەۋشى فرانسۋزدىق ARC Informatique كومپانياسىنىڭ ۇيىمداستىرۋىمەن 29 قازاندا استانا قالاسىندا (Ibis قوناق ۇيىندە) جانە 1 قاراشادا الماتى قالاسىندا (Holiday Inn Express قوناق ۇيىندە) كونفەرەنسيا وتكىزىلەدى.
كونفەرەنسيا جۇمىسىنا سپيكەرلەر رەتىندە PcVue (فرانسياداعى باس كەڭسەسى جانە كاۆكاز بەن ورتالىق ازياداعى جەرگىلىكتى بولىمشلەرى)، «QazIndustry» قازاقستاندىق يندۋستريا جانە ەكسپورت ورتالىعى» اق، «APS» (قازاقستانداعى SATEC وكىلى) ج ش س جانە BECKHOFF (گەرمانيا) كومپانيالارىنىڭ وكىلدەرى قاتىسادى.
كونفەرەنسياعا قاتىسۋ تەگىن. قاتىسۋ ءۇشىن ارنايى نىسىندى تولتىرۋ ارقىلى الدىن الا تىركەلۋ قاجەت:
- استانا قالاسىنداعى كونفەرەنسياعا قاتىسۋ ءۇشىن: https://docs.google.com/forms/d/e/1FAIpQLSfmhFZnxXGd4sp-bO8uGctbu-E0kC4kax2fSu8FQ83QsCGcSA/viewform.
- الماتى قالاسىنداعى كونفەرەنسياعا قاتىسۋ ءۇشىن: https://docs.google.com/forms/d/e/1FAIpQLSeQxgSuibkwudecFoJJB7ElrkutRW6-JwZkR6tK1FIL9egbrA/viewform.