كۇللى الەم مەتالدىڭ ءبىر تۇرىنەن تاپشىلىق تارتادى

جاساندى زەردە تەحنولوگياسىنىڭ قارىشتاپ دامۋىنا بايلانىستى كۇللى الەمدە مىس تاپشىلىعى ورىن الادى.

بۇل جايىندا islam.kz پورتالى ءوز كەزەگىندە BHP Billiton تاۋ-كەن كومپانياسىنىڭ ساراپشىلارىنىڭ بولجامىنا ءجون سىلتەگەن Financial Times اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.

 ەنەرگيا شىعىنى جوعارى ەسەپتەۋ جۇيەسىن قاجەت ەتەتىن دەرەك ورتالىقتارى مەن جاساندى زەردە تەحنولوگياسىنىڭ دامۋىنا بايلانىستى 2050 جىلعا تامان مىسقا جاھاندىق سۇرانىس مولشەرى جىلىنا 3،4 ميلليون تونناعا ارتۋى مۇمكىن ەكەنىن ەسكەرتتى اتالمىش كوپھمپانيانىڭ باس قارجى ديرەكتورى بانديتا پانت.

قازىرگى ۋاقىتتا دەرەك ورتالىقتارى مىستىڭ ءبىر پايىزىنان ازىن تۇتىنعانىمەن، كوپ ۇزاماي، دالىرەگى، 2050 جىلعا قاراي بۇل كورسەتكىش التى-جەتى پايىزعا جەتەدى. 2050 جىلعا قاراي مىسقا الەمدىك سۇرانىس 2021 جىلعى 30،4 ميلليون توننادان 72 پايىزعا ارتىپ، جىلىنا 52،5 ميلليون تونناعا جەتەدى. وسىناۋ مەتالل ءتۇرى نەگىزىنەن ەلەكتر كابەلدەرىن، ەلەكترمەن جۇرەتىن كولىكتەردى جانە كۇن فەرمالارىن قوسا العاندا، جاھاندىق جىلىنۋعا سەبەپ بولىپ وتىرعان كومىرتەكتەن ادا ايماققا اينالۋ سەكىلدى ىرگەلى ماقساتتارعا جەتۋگە قاجەتتى ءبىرقاتار سالالار مەن ونىمدەردە قولدانىلادى. دەگەنمەن، Goldman Sachs ساراپشىلارىنىڭ پىكىرىنشە، بۇگىندە مىسقا الەمدىك سۇرانىس ازايىپ كەلەدى.

ونىڭ باستى سەبەبى – قىتايداعى جىلجىمايتىن مۇلىك نارىعىنىڭ قۇلدىراۋى. وسىعان بايلانىستى 2025 جىلى مىستىڭ ءبىر تونناسى 10 مىڭ دوللاردان اسپاۋى مۇمكىن. مامىر ايىندا بۇل ءتۇستى مەتالل تاريحتا العاش رەت مەيلىنشە قىمباتتادى - تونناسىنا 11 مىڭ دوللار. دەسە دە سودان بەرى باعا شامامەن 20 پايىزعا ارزانداعان.