28 شىلدە – بۇكىلالەمدىك گەپاتيتكە قارسى كۇرەس كۇنى.
016 جىلى ددسۇ-نىڭ 2030 جىلعا قاراي س گەپاتيتىن جويۋ بويىنشا جاھاندىق باعدارلاماسى باستالدى. ددسۇ قازاقستاندى وسى باعدارلامانى ورىنداۋ بويىنشا تمد كەڭىستىگىندە جانە ورتالىق ازياداعى كوشباسشىلار ساناتىنا قوستى، دەپ حابارلايدى Almaty-akshamy.kz Ortcom.kz سىلتەمە جاساپ.
ددسۇ دەرەگى بويىنشا ۆيرۋستى گەپاتيت الەمدە 2 ملرد جۋىق ادامنىڭ نەمەسە پلانەتاداعى ءاربىر ءۇشىنشى ادامنىڭ دەنساۋلىعىنا زيانىن تيگىزدى. الەمدە 325 ملن ادام B نەمەسە س ۆيرۋستى گەپاتيتپەن ءومىر سۇرەدى. جىل سايىن 900 مىڭعا جۋىق ادام B ۆيرۋستى گەپاتيتتەن كوز جۇمادى.
قازاقستاندا «ۆيرۋستى گەپاتيت» بويىنشا 49175 ەرەسەك پاسيەنت«د» ەسەبىندە تىركەۋدە تۇر. ونىڭ ىشىندە 23233 پاسيەنت س گەپاتيتى، 22977 پاسيەنت ۆ گەپاتيتى، 1252 پاسيەنت D گەپاتيتى دياگنوزى قويىلعان، 5976 پاسيەنت باۋىر سيرروزىنا جانە تاعى 500-دەن اسا ادام باۋىردىڭ گسك، حسك ىسىگىنە شالدىققان. قازاقستان گەپاتولوگتارى 2018 جىلدان 2020 جىلعا دەيىن 30 مىڭنان اسا ناۋقاستى س گەپاتيتىنەن ەمدەپ جازدى. بۇل ورايدا س گەپاتيتىنەن ەم تۇرعىلىقتى جەرى بويىنشا تەگىن ەكەنىن اتاپ وتكەن ءجون.
بۇعان قوسا قازاقستاندا B گەپاتيتىنە قارسى ۆاكسيناسيالاۋ باعدارلاماسى جۇمىس ىستەيدى. 1998 جىلدان بەرى سابيلەرگە ءبىرىنشى تۋعان كۇنى-اق پەرزەنتحانادا ۆيرۋستى گەپاتيت جۇقتىرۋدان قورعايتىن ۆاكسينا سالىنادى. رەسپۋبليكالىق گەپاتولوگيا ورتالىقتارىندا سكرينينگ زەرتتەۋلەرى جۇرگىزىلەدى. ءقازىر مامانداردىڭ الدىندا بۇل اۋرۋدىڭ پايدا بولۋىنىڭ الدىن الۋ بويىنشا كەشەندى شارالار ازىرلەۋ مىندەتى تۇر.
وتاندىق گەپاتولوگيا باۋىردىڭ اسقىنعان سوزىلمالى اۋرۋلارىن، ونىڭ ىشىندە گەپاتيتتى ەمدەۋگە ارنالعان مەديسينالىق كومەكتىڭ بارلىق تۇرىمەن جاراقتانعان.
ۆيرۋستى گەپاتيتتىڭ قانشالىقتى ماشاقات ەكەنىن ەسكەرسەك، ق ر دەنساۋلىق ساقتاۋ جۇيەسىندە بۇل اۋرۋمەن كۇرەسكە ايرىقشا كوڭىل بولىنەدى – الدىن الۋ، سكرينينگ، ەمدەۋ جۇيەلى جۇرگىزىلەدى. ەل كولەمىندە ۆيرۋستى گەپاتيت، ونى جۇقتىرىپ الۋدان ساقتىق شارالارى جانە ونىڭ تارالۋى جونىندە حالىقتى حاباردار قىلۋ ماقساتىندا اعارتۋشىلىق اكسيالارى ۇيىمداستىرىلادى. حالىق اراسىندا سالاۋاتتى ءومىر سالتى ناسيحاتتالىپ، ءاربىر ەرەسەك ادامنىڭ ءوزى مەن بالالارىنىڭ دەنساۋلىعىنا جاۋاپكەرشىلىك سەزىنۋگە ۇندەيدى.
گەپاتيت دەپ باۋىر ءتىنىنىڭ قابىنۋىن اتايدى. گەپاتيتتىڭ ا، B، س. د جانە ە دەپ جىكتەلەتىن بەس نەگىزگى ءتيپى بار. ولاردىڭ ىشىندە ولىمگە دۋشار قىلاتىنى B جانە س گەپاتيتتەرى: جىل سايىن 1،4 ملن ادامنىڭ ءومىرىن جالمايدى. باۋىر سيرروزىنا الىپ كەلەتىن باستى سەبەپتەردىڭ ىشىندە ۆيرۋستى گەپاتيتتەر، الكوگولدى جانە الكوگولدى ەمەس ىشىمدىكتەن باۋىردى ماي باسۋ (گەپاتوز)، سونداي-اق باۋىردىڭ اۋتويممۋندىق جانە مەتابوليزمدىك اۋرۋلارى اتالادى.
گەپاتيتتەن ەكى جولمەن قورعانۋعا بولادى:
1)گيگيەنا ساقتاۋ (بۇل ا جانە ە ۆيرۋستارىن قورعانۋ ءۇشىن ماڭىزدى)، قان قۇيۋ كەزىندە جانە جىنىستىق قاتىناس كەزىندە اباي بولۋ – بۇل B جانە س گەپاتيتتەرىنەن ساقتانۋعا كومەكتەسەدى؛
2)ەكپە الۋ نەمەسە ۆيرۋسقا قارسى دارى-دارمەكتەر قابىلداۋ. ادەتتە ۆاكسينا ادامعا ا جانە B گەپاتيتتەرىنەن سەنىمدى قورعانىش بولادى، ال دارى-دارمەكتەر 95% جاعدايدا تيىمدىلىگىن كورسەتىپ وتىر.