قازاقستاندىق عالىمدار قىزىل كىتاپقا ەنگەن وسىمدىكتەردى تىڭ ادىسپەن كوبەيتىپ جاتىر.
ۇلتتىق بيوتەحنولوگيا ورتالىعىندا ماماندار جاپىراقتان، تامىردان، ءتىپتى ءبىر جاسۋشانىڭ وزىنەن جاڭا وسىمدىك ءوسىرىپ شىعادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
بۇل، اسىرەسە، جويىلىپ بارا جاتقان وسىمدىك تۇرلەرىن ساقتاپ قالۋ ءۇشىن ماڭىزدى. ءبىر ميكروماتەريالدىڭ اعاشقا اينالۋىنا 2 جىلداي ۋاقىت قاجەت.
«بۇل قىزىل كىتاپقا ەنەتىن، سيرەپ بارا جاتقان وسىمدىكتەرمەن جۇمىس ىستەۋ ءۇشىن ماڭىزدى. ونىڭ ۇستىنە ءبىز وسىمدىكتەردى تۇقىمسىز ءوسىرۋ تاسىلدەرىن دامىتۋدى بۇرىننان قولعا العانبىز. وسى جاعىنان الىپ قاراعاندا دا ءتيىمدى»، - دەدى «ۇلتتىق بيوتەحنولوگيا ورتالىعى» رمك باس ديرەكتورى ەرلان رامانقۇلوۆ.
كوشەتتەر مەن تۇقىمنىڭ جاڭا سۇرىپتارى بىردەن ەگىلمەيدى. ەڭ الدىمەن، ماكرو جانە ميكروەلەمەنتتەرمەن شاعىن ىدىستاردا جەتىلدىرىلەدى. بۋدانداستىرۋدىڭ ەرەكشەلىگى دە وسى. وسىمدىك قۇرامىنداعى ەلەمەنتتەردى باقىلاۋعا مۇمكىندىك بار. كوبەيتۋدىڭ جاساندى ءادىسىن قولدانىلسا دا، جاڭا وسكىندەر تابيعي قاسيەتتەرىن جوعالتپايدى. سودان كەيىن كوشەتتەردى ەلوردا كوشەلەرىنە وتىرعىزادى.
«ءبىز اق تەرەكتى الدىق، سوسىن قىزىل كىتاپقا ەنەتىن وسىمدىكتى الدىق، يابلوني-نەدۆەسكوگو. سيۆەرس الما اعاشى مەن مالينسك اعاشىن الدىق. قىزعىلت، ادەمى گۇلدەيدى، سونى الدىق. استانانىڭ اۋا رايىندا جاقسى وسەدى. تابيعاتتا وسكەن وسىمدىكتى كوپ الىپ شىعارامىز. ءبىر بۇرشىكتەن بىرنەشە مىڭ وسىمدىك شىعارامىز»، - دەيدى «ۇلتتىق بيوتەحنولوگيا ورتالىعى» رمك زەرتحاناسىنىڭ مەڭگەرۋشىسى الماگۇل كاكىمجانوۆا.
قازاقستاندىق عالىمدار وسىنداي تىڭ تاسىلمەن 3 جىلدىڭ ىشىندە 7 مىڭعا جۋىق اعاش ەگىپ، ءوسىرىپتى. الداعى ۋاقىتتا وسىمدىكتەردى بۋدانداستىرۋدىڭ وزگە تاسىلدەرىن قولدانىپ، دامىتۋ جوسپاردا بار.