قازىرگى گەوەكونوميكالىق جاعداي الەمنىڭ كوپتەگەن ەلدەرىنىڭ ەكونوميكاسىنا ەلەۋلى اسەر ەتۋدە.
مەملەكەت باسشىسىنىڭ قاتىسۋىمەن وتكەن قازاقستان ۇكىمەتىنىڭ كەڭەيتىلگەن وتىرىسىنا ق ر پرەزيدەنتى جانىنداعى قازسعزي حالىقارالىق جانە گەوەكونوميكالىق زەرتتەۋلەر باسقارماسىنىڭ باسشىسى ايدار قۇرماشيەۆ تۇسىنىكتەمە بەردى، دەپ حابارلايدى Almaty-akshamy.kz Zakon.kz سىلتەمە جاساپ.
ۇكىمەتتىڭ وتىرىس ەلىمىزدىڭ الەۋمەتتىك-ەكونوميكالىق دامۋى، مەملەكەت باسشىسى العا قويعان مىندەتتەردى جۇزەگە اسىرۋدىڭ ناتيجەلەرىنە ارنالدى. بۇل كەزدەيسوق ەمەس، - دەپ ەسەپتەيدى ساراپشى.
قازىرگى گەوەكونوميكالىق جاعداي الەمنىڭ كوپتەگەن ەلدەرىنىڭ ەكونوميكاسىنا ەلەۋلى اسەر ەتۋدە. سىرتقى ەكونوميكالىق جانە ساۋدا بايلانىستارىنىڭ ماسەلەلەرى توقىراۋ كەزەڭىن باستان كەشىرۋدە. وسىعان بايلانىستى ىشكى ەكونوميكالىق بەلسەندىلىكتى جانداندىرۋ جانە ءوسۋدىڭ نەگىزگى نۇكتەلەرىن دامىتۋدى ىنتالاندىرۋ شارالارى تالاپ ەتىلەدى. بۇل، اسىرەسە، ازىق-تۇلىك قاۋىپسىزدىگىنە بايلانىستى بولىپ وتىر.
بۇل جايىندا ايتقان ساياساتتانۋشى قازاقستاندا ءقازىردىڭ وزىندە ازىق-تۇلىك قاۋىپسىزدىگىن قامتاماسىز ەتۋدىڭ ءبىرقاتار تەتىكتەرى بار بولعانىمەن، ولاردىڭ جۇمىسىن ىسكە اسىرۋعا قاتىستى ساۋالدار بار ەكەنىنە ايتتى. ماسەلەن، پرەزيدەنت تۇراقتاندىرۋ قورلارىنىڭ جۇمىسىنا، سونداي-اق كوتەرمە ساۋدا ورتالىقتارى جەلىسىمەن ۇلتتىق تاۋاردى تاراتۋ جۇيەسىن ىسكە قوسۋ جونىندەگى تاپسىرمانىڭ قاناعاتتانارلىقسىز ورىندالىپ جاتقانىنا نازار اۋداردى.
ايدار قۇرماشيەۆتىڭ ايتۋىنشا، مەملەكەت باسشىسى بيۋدجەت قاراجاتىنىڭ جۇيەلى تۇردە جىمقىرىلاتىنىن جانە مۇنداي فاكتىلەرگە جول بەرىلمەيتىنىن ايتىپ، دۇرىس ەكپىن جاسادى.