قازاقستاننىڭ فۋتبولدان U-17 قۇراماسى مينسك (بەلارۋس) قالاسىندا ءوتىپ جاتقان دامۋ كۋبوگىندا قاتارىنان ەكىنشى ويىندا جەڭىسكە جەتتى.
ءبىزدىڭ كوماندا ەكىنشى اينالىمدا وزبەكستان قۇراماسىمەن كەزدەسىپ، 3:0 ەسەبىمەن ۇتتى، دەپ حابارلايدى Almaty-akshamy.kz.
ويىننىڭ ونىنشى مينۋتىندا قۇرامانىڭ جارتىلاي قورعاۋشىسى ءىلياس ءابىل ەسەپ اشتى. اراعا تۋرا ون مينۋت سالىپ شابۋىلشى تامەرلان اعىمانوۆ ەسەپتى ەسەلەي ءتۇستى.
ماچتىڭ سوڭعى مينۋتىندا ەكىنشى تايمدا الاڭعا شىققان ۆيكتور لاكەيەۆ ءۇشىنشى گولدى سوعىپ، كەزدەسۋگە نۇكتە قويدى.
قازاقستان قۇراماسىنىڭ ساپىنان ءىلياس ءابىل ماچتىڭ ۇزدىك ويىنشىسى بولىپ تانىلدى.
الەكساندر كۋزنەسوۆ باپتايتىن قازاقستاندىق كوماندا توپتىق كەزەڭنىڭ شەشۋشى ويىنىن 9 اقپان كۇنى ەلوردا ۋاقىتىمەن 21:00-دە بەلارۋس قۇراماسىنا قارسى وتكىزەدى.