جاستارعا 2،5 پايىزبەن نەسيە بەرىلەدى

قارىزدىڭ ەڭ جوعارى سوماسى – 5 ملن تەڭگە.

نەسيەلەۋ مەرزىمى مال شارۋاشىلىعىن قوسپاعاندا، كەز كەلگەن ماقسات ءۇشىن – 5 جىلعا دەيىن، دەپ حابارلايدى Almaty-akshamy.kz

ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ولجاس وردابايەۆ جۋرناليستەرمەن "گالستۋكسىز" كەزدەسۋ بارىسىندا جاستارعا ميكرونەسيە بەرۋدى ۇيىمداستىرۋ بويىنشا دايىندىق جۇمىستارىنىڭ بارىسى تۋرالى ايتتى.

بەكىتىلگەن قاعيدالارعا سايكەس كاسىپكەرلىك قىزمەتتى باستاعىسى كەلەتىن نەمەسە كاسىپكەرلىكپەن اينالىساتىن، دەربەس كاسىپكەر رەتىندە تىركەلۋ مەرزىمى 5 جىلدان از بولاتىن 21 جاستان 35 جاسقا دەيىنگى جاستار ميكروكرەديت الۋعا ۇمىتكەر بولا الادى.

"ميكروكرەديتتەر بەرۋدى "اگرارلىق كرەديتتىك كورپوراسيا" اق ارقىلى جۇزەگە اسىرۋ جوسپارلانىپ وتىر. نومينالدى سىياقى مولشەرلەمەسى – جىلدىق 2،5%-دان اسپايدى. قارىزدىڭ ەڭ جوعارى سوماسى – كەپىلمەن قامتاماسىز ەتۋدىڭ مىندەتتى شارتىمەن 5 ملن تەڭگەگە دەيىن. نەسيەلەۋ مەرزىمى مال شارۋاشىلىعىن قوسپاعاندا، كەز كەلگەن ماقسات ءۇشىن – 5 جىلعا دەيىن. ال بۇل قىزمەت باعىتى ءۇشىن – 7 جىلعا دەيىن. سونداي-اق نەگىزگى بورىش پەن سىياقىنى وتەۋ بويىنشا جەڭىلدىك كەزەڭى كوزدەلگەن، ول ميكروكرەديتتەۋ مەرزىمى ۇزاقتىعىنىڭ ۇشتەن بىرىنەن اسپايدى. 2023 جىلعا ارنالعان رەسپۋبليكالىق بيۋدجەتتە جاستارعا ميكروكرەديت بەرۋ تەتىگىن ىسكە اسىرۋ ءۇشىن 29 ملرد تەڭگەدەن استام قاراجات كوزدەلگەن"، - دەلىنگەن مينيسترلىك تاراتقان اقپاراتتا.

بۇل 5،8 مىڭنان استام جاس ازاماتقا نەسيە بەرۋگە مۇمكىندىك بەرەدى.