سالىمشىلار ءوز زەينەتاقى جيناقتارىنىڭ ءبىر بولىگىن مەرزىمىنەن بۇرىن الۋ اياسىندا 3،5 ترلن تەڭگەنى يگەردى. بۇل تۋرالى ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ،
ۇلتتىق بانك وكىلى 2021 جىلدان باستاپ سالىمشىلار وزدەرىنىڭ جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋعا، باسقارۋشى كومپانيالارعا تاپسىرۋعا جانە ەم-دوم الۋعا جۇمساعانىن ەسكە سالدى.
بۇل مۇمكىندىك اياسىندا سالىمشىلار 3،5 ترلن تەڭگەنى اتالعان ماقساتتارعا باعىتتادى.
«اتاپ ايتقاندا، 3،17 ترلن تەڭگە (90،6 پايىزى) باسپانا ماسەلەسىن شەشۋگە، 318، 8 ملرد تەڭگە (9،1 پايىزى) ەمدەلۋگە، سونداي-اق 8،7 ملرد تەڭگە (0،25 پايىزى) باسقارۋشى كومپانيالارعا اۋدارىلدى»، - دەدى ءاليا مولدابەكوۆا سەناتتا دەپۋتاتتارمەن كەزدەسۋ كەزىندە.