ايتەۋىر ءبىر ءوتىنىم بەرەتىنىمىزگە سەنىمدىمىن - اسحات ورالوۆ.
مادەنيەت جانە سپورت ءمينيسترى اسحات ورالوۆ ۇكىمەت كۋلۋارىندا وزبەكستان مەن قازاقستاننىڭ فۋتبولدان الەم چەمپيوناتىن «وتكىزەتىنى» تۋرالى اقپاراتقا پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىندە فۋتبولدان ۇلتتىق قۇرامانىڭ ناتيجەلەرى كوڭىل قۋانتادى. قاتارىنان ءۇش جەڭىسكە جەتتىك، تالايدان بەرى مۇنداي بولعان جوق. قىركۇيەك ايىندا قارىمتا كەزدەسۋلەر بولادى. مەن قازاقستاندىقتار فۋتبولشىلارىمىزدى قولداۋعا كەلەدى، سول ارقىلى وسكەلەڭ بۋىنعا ۇلگى بولادى دەپ قاتتى ۇمىتتەنەمىن»، - دەدى مينيستر.
ونىڭ سوزىنشە، ءدال ءقازىر قازاقستاننىڭ فۋتبولدان الەم چەمپيوناتىن وتكىزۋى تۋرالى ماسەلە كۇن تارتىبىندە جوق.
«ايتەۋىر ءبىر ءوتىنىم بەرەتىنىمىزگە سەنىمدىمىن. ءبىراق ءقازىر كۇن تارتىبىندە تۇرعان جوق»، - دەدى اسحات ورالوۆ.