اۋرۋدىڭ تارالۋى ءالى دە توقتار ەمەس.
دەرتتى جۇقتىرعانداردىڭ دەنى - ەكپە سالدىرماعاندار. جىل باسىنان بەرى قىزىلشا جۇقتىرعاندار سانى ەكى مىڭعا جۋىقتاعان، دەپ حابارلايدى Almaty-akshamy.kz 24.kz-كە سىلتەمە جاساپ.
دەنساۋلىق ساقتاۋ ءمينيسترى اجار عينياتتىڭ ايتۋىنشا، دەرتتى الدىمەن، شەتەلگە دەمالۋعا بارعان بالالار جۇقتىرعان. كەيىن ول ەل ىشىنە تارالدى. ۆەدومستۆا باسشىسى ۆاكسينانىڭ ماڭىزدىلىعى تۋرالى اقپاراتتىق جۇمىستار جۇرگىزىلىپ جاتقانىن ايتتى.
«قىزىلشا اۋرۋى كوپتەگەن ەلدە تارالىپ جاتىر. ءبىزدىڭ ەلگە دەرت كورشى مەملەكەتتەردەن كەلدى. الدىمەن، دەمالۋعا بارعان بالالار اۋىردى. كەيىن ولار ەلگە ورالىپ، ەكپە قابىلداماعان بالالارعا جۇقتىردى»، - دەيدى ق ر دەنساۋلىق ساقتاۋ ءمينيسترى اجار عينيات.