قازاقستان جازۋشىلار وداعىنىڭ باسقارما ءتوراعاسى مەرەكە قۇلكەنوۆ «باربانگ» كۇردتەر قاۋىمداستىعىنىڭ باسقارما مۇشەسى، «قۇرمەت» وردەنىنىڭ يەگەرى، «كنياز يبراگيموۆيچ ميرزويەۆ قورىنىڭ» ءتوراعاسى، «نۋبار» ادەبي-كوركەم جۋرنالىنىڭ رەداكسيا القاسىنىڭ مۇشەسى، قوعام قايراتكەرى رافيك ياكۋبوۆيچ ميرزويەۆتى قابىلدادى، دەپ حابارلايدى almaty-akshamy.kz
«قازاق ادەبيەتى قالامگەرلەرى مەن «باربانگ» قازاقستان كۇردتەرىنىڭ قاۋىمداستىعىنىڭ قارىم-قاتىناسىن نىعايتۋ» بۇگىنگى كەزدەسۋدىڭ نەگىزگى ماسەلەسى بولدى
بۇعان دەيىن، قازاقستان رەسپۋبليكاسى پرەزيدەنت اكىمشىلىگى باسشىسىنىڭ ورىنباسارى ايدا بالايەۆا اسسامبلەيا وتىرىسىندا كۇرد اڭىز-اڭگىمەلەرىن، ەرتەگىلەرىن، سالت-داستۇرلەرىن قازاق تىلىنە اۋدارىپ، ۇلتىمىزعا تانىستىرۋ ماسەلەسىن كوتەرگەن بولاتىن.
وسىعان وراي، كۇرد مادەنيەتى مەن ادەبيەتىن، قازاق ادەبيەتىنە تانىستىرىپ قانا قويماي، بەرىك بايلانىس ورناتۋ ماسەلەسى قاراستىرىلدى. سونىمەن قاتار، «باربانگ» قازاقستان كۇردتەرىنىڭ قاۋىمداستىعى ۇلتتىق ادەبيەتىمىزگە تەك رۋحاني ەمەس، ماتەريالدىق تۇرعىدان دا كومەكتەسۋدى كوزدەيتىندىگىن جەتكىزدى.
«بۇل قازاقستان جازۋشىلار وداعىنىڭ وزگە دە قوعامدىق ۇيىمدارمەن تىعىز قارىم-قاتىناس ورناتۋدىڭ باستاماسى بولماق» - دەدى م.قۇلكەنوۆ.
