قازاقستان قۇراماسىنىڭ ويىنشىسى ماكسيم سامورودوۆقا شەتەلدىك كلۋبتار تاراپىنان قىزىعۋشىلىق ارتتى.
ءقازىردىڭ وزىندە رەسەي، تۇركيا جانە يتاليا ەلدەرىنىڭ كوماندالارى نازار اۋدارىپ وتىر، دەپ حابارلايدى Almaty-akshamy.kz.
24.kz حابارلاۋىنشا، جارتىلاي قورعاۋشىنىڭ ءوزى بيىل كۇزدە ماسكەۋدە بولىپ قايتتى. كەيىن «لوكوموتيۆ»، «كراسنودار»، «سپارتاك» جانە «روستوۆ» كوماندالارىنا اۋىسۋى مۇمكىن دەگەن اقپارات تاراعان ەدى. كۇنى كەشە تۇركيالىق «ترابزونسپور» كومانداسىنىڭ دا ماكسيمدى باقىلاپ جۇرگەنى بەلگىلى بولدى جانە الداعى ترانسفەرلىك ماۋسىمدا كومانداعا كەلۋى مۇمكىن ويىنشىلار تىزىمىنە قوسقان.
بۇعان قوسا، يتاليالىق «تورينو» كومانداسى دا قازاقستاندىق فۋتبولشىنى ءجىتى نازاردا ۇستاپ ءجۇر. جەرلەسىمىزدىڭ ءوزى ناقتى قايدا باراتىنىن جاريالاعان جوق. بەلگىلىسى، ءقازىر ونەر كورسەتىپ جۇرگەن «اقتوبە» كومانداسى ونى ءوز ساپىندا الىپ قالعىسى كەلەدى. وسى ماقساتتا وعان جاڭا كەلىسىمشارت ۇسىنعان. ال Transfermarkt پورتالى 21 جاستاعى قازاقستاندىق اياقدوپشىنىڭ نارىقتىق قۇنىن 900 مىڭ ەۋروعا باعالاپ وتىر.