الماتىدا مەدەۋ — شىمبۇلاق جولىندا 4 «سەرگەك» كامەراسى ورناتىلدى، دەپ حابارلايدى almaty-akshamy.kz
الماتىدا مەدەۋ-شىمبۇلاق اۆتوجولىندا جىلدامدىعى 40 كم/ساعاتقا شەكتەلگەن «سەرگەك» اپپاراتتىق-باعدارلامالىق كەشەنىنىڭ 4 كامەراسى ورناتىلدى. ولار «مەدەۋ» بيىك تاۋلى مۇز ايدىنىنىڭ شلاگباۋمىنان «شىمبۇلاق» تاۋ شاڭعىسى كۋرورتىنا دەيىنگى ۇزىندىعى 7 كم ۋچاسكەدە ورنالاسقان. بۇل جاياۋ جۇرگىنشىلەر اعىنىنىڭ جانە كورسەتىلگەن باعىت بويىنشا جۇرەتىن ەلەكتروموبيلدەر سانىنىڭ ارتۋىنا بايلانىستى ادامداردىڭ قاۋىپسىزدىگىن قامتاماسىز ەتۋگە كومەكتەسەدى. جول قوزعالىسى ەرەجەلەرىن تىركەۋ اعىمداعى جىلدىڭ 1 جەلتوقسانىنان باستالادى.
ايتا كەتەرلىگى، الماتىدا بارلىعى 7 894 «سەرگەك» اوك كامەراسى جۇمىس ىستەيدى. ولار 2021 جىلى «مەملەكەتتىك - جەكە ارىپتەستىك» جوباسىن ىسكە اسىرۋ اياسىندا بەلگىلەنگەن.
