الماتىدا «Creative Central Asia – 2023» ورتالىق ازيانىڭ كرەاتيۆتى يندۋستريالارىنىڭ جىل سايىنعى فورۋمى ءوتتى. ءۇش كۇنگە سوزىلعان «سسا-2023» ديالوگ الاڭى ءوزىمىزدىڭ قازاقستان مەن رەسەي، قىرعىزستان، وزبەكستان، تاجىكستان جانە وڭتۇستىك كورەيا مەملەكەتتەرىن قوسقاندا، 100-دەن استام ساراپشى-سپيكەر مەن سالا وكىلدەرىنىڭ باسىن قوستى.
فورۋمعا قاتىسۋشىلار ورتالىق ازيا وڭىرىندەگى كرەاتيۆتى يندۋستريالاردى دامىتۋدىڭ نەگىزگى ۇردىستەرى مەن پەرسپەكتيۆالىق جولدارىن تالقىلادى. سپيكەرلەر نەگىزگىنەن كينو، مۋزىكا، ءبىلىم بەرۋ، fashion-يندۋستريا جانە IT-سەكتور سالالارى بويىنشا پىكىر الماستى.
فورۋم اياسىندا «كرەاتيۆتى يندۋستريالار جاستارعا ارنالعان الەۋمەتتىك ليفت رەتىندە»، «قالالىق جايلى ورتا جانە كرەاتيۆتى لاندشافتتى دامىتۋ»، «ايەلدەردىڭ كرەاتيۆتى كاسىپكەرلىگى»، «قازىرگى الەمدەگى اۋديكونتەنت» جانە تاعى باسقا دا تاقىرىپتار شەڭبەرىندە ءبىرقاتار پانەلدىك سەسسيالار ۇيىمداستىرىلدى.
– «سسا-2023» فورۋمىنىڭ نەگىزگى ماقساتى – كرەاتيۆتى يندۋستريالاردىڭ ينفراقۇرىلىمىن دامىتۋ، كرەاتيۆتى كاسىپكەرلىك يدەيالارىن ناسيحاتتاۋ، حالىقارالىق ينۆەستيسيالاردى تارتۋ. فورۋم الماتى قالاسىنىڭ برەندىن ىلگەرىلەتۋگە، شىعارماشىلىق مامانداردى قولداۋعا جانە يننوۆاسيالىق جانە شىعارماشىلىق سەكتورلاردا جاڭا ونىمدەر جاساۋ ءۇشىن بەيىنارالىق ىنتىماقتاستىقتى دامىتۋعا ىقپال ەتۋگە ارنالعان»، – دەدى الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبەكوۆ.
ال حالىقارالىق كرەاتيۆتى يندۋستريالار فورۋمىنىڭ ساۋلەتشىسى دينا ابدىراحمەت:
– بۇل ورايدا مەن ءبىلىم بەرۋ سالاسىنداعى كرەاتيۆتى يندۋستريالار بويىنشا وتە بەلسەندى جۇمىستار جۇرگىزىلىپ جاتقانىن اتاپ وتكىم كەلەدى. جاڭا ماگيسترلىك باعدارلامالار ەنگىزىلۋدە. ءيا، وڭىرلەر كرەاتيۆتى يندۋستريالارعا، كرەاتيۆتى ەكونوميكاعا نازار اۋدارا باستادى. بۇل ۇلكەن جەتىستىك. حالىقارالىق فورۋمدا الماتىنىڭ ەلىمىزدىڭ كرەاتيۆتى يندۋستريا ورتالىعى رەتىندە ەنگىزگەن ۇزدىك كەيستەرىمەن ءبولىستى، – دەدى.
«سسا-2023» فورۋمىنىڭ مارتەبەسىن تاقىرىپتىق دارىستەر، «شەبەرلىك سىنىپتارى»، public talk، قولدانبالى ونەر جارمەڭكەسى ارتتىردى. Lumiere hall مۋلتيمەديالىق مۇراجايىنىڭ ەلگە تانىمال الماتى كۋراتورلارىنىڭ قولداۋىمەن جانە تىكەلەي قاتىسۋىمەن قازاقستاندىق جانە حالىقارالىق سيفرلىق سۋرەتشىلەردىڭ يننوۆاسيالىق جانە ەكسپەريمەنتتىك جۇمىستارىن تانىستىراتىن كورمە-ينستاللياسياسى دا كوپتىڭ ىقىلاسىنا بولەندى. كورمەدە AI-ART، Digital Fashion، Media Art باعىتتارىنداعى اۆتورلاردىڭ ەرەكشە جۇمىستارى ۇسىنىلدى.
ءىس-شارا بارىسىندا بۇۇدب-نىڭ جاستار جانە كرەاتيۆتى يندۋستريالاردىڭ شاعىن ورتا بيزنەس وكىلدەرىمەن ساراپتامالىق تالقىلاۋى ءوتتى. فورۋمنىڭ ماڭىزدى وقيعاسى رەتىندە قازاقستاندىق ديزاينەردىڭ fashion musical «Luna Sezim» جۇمىسى ەرەكشە اتاپ ءوتىلدى.