بالالار فۋتبولىن دامىتۋعا ارنالعان باعدارلاما
قازاقستان فۋتبول فەدەراسياسىنىڭ پرەزيدەنتى ادىلەت بارمەنقۇلوۆ حالىقارالىق فۋتبول فەدەراسياسىنىڭ (FIFA) پرەزيدەنتى دجانني ينفانتينومەن وتكەن باسپا ءسوز كونفەرەنسياسىندا بۇقارالىق فۋتبولدى دامىتۋ باعىتىنداعى جوسپارىن ورتاعا سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىزدىڭ نەگىزگى مىندەت – فۋتبولدى ساپالى جانە قولجەتىمدى ەتۋ. وسى تۇرعىدان الساق، بۇقارالىق فۋتبولدى دامىتۋ ءۇشىن بار كۇشىمىزدى سالىپ جاتىرمىز. FIFA-مەن ۇلكەن-ۇلكەن ءۇش باعىتتى دامىتۋعا كەلىستىك. بالالار فۋتبولىن دامىتۋعا ارنايى باعدارلاما جاساپ جاتىرمىز»، - دەدى فەدەراسيا باسشىسى.
سونداي-اق، ول فۋتبول ينفراقۇرىلىمىن دامىتۋ باعىتىنداعى جوسپارلارعا توقتالدى.
«بۇيىرسا، الدىمىزدا 20 قالادا فۋتبول الاڭىن سالساق، سودان كەيىن اۋىلدارعا كوشەمىز. «اۋىلداعى فۋتبول» باعدارلاماسى بويىنشا 50 اۋىلدا ويىن الاڭىن سالىپ بەرسەك دەپ وتىرمىز. بۇقارالىق فۋتبولدى كوتەرۋگە قاجەت ەڭ باستى دۇنيە سول دەپ سەنەمىن»، - دەدى قازاقستان فۋتبول فەدەراسياسىنىڭ پرەزيدەنتى.