كۇدىكتىلەر 5 مامىرعا دەيىنگى مەرزىمدە ەكونوميكالىق تەرگەپ-تەكسەرۋ دەپارتامەنتىنىڭ اكىمشىلىك عيماراتىنا كەلۋ قاجەت
قارجىلىق مونيتورينگ اگەنتتىگى "ازيا-بيپەك اۆتو" ديرەكتورلار كەڭەسىنىڭ ءتوراعاسى اناتوليي بالۋشكينگە، "ازيا اۆتو" اق باس ديرەكتورى ەريك ساعىمبايەۆقا جانە كومپانيالار توبىنىڭ توپ-مەنەدجەرلەرىنە قاتىستى سوتقا دەيىنگى تەرگەۋدى جالعاستىرىپ جاتىر، دەپ حابارلايدى Almaty-akshamy.kz.
اقشالاي قاراجاتتى ا.م. بالۋشكين مەن ە. ە. ساعىمبايەۆ بانكتىك قارىزداردى وتەۋدەن جانە بيۋدجەتكە سالىق تولەۋدەن جالتارۋ ماقساتىندا جىمقىرعان. سونىمەن قاتار ۇرلانعان اقشا ءوندىرىستى 50% لوكاليزاسيالاۋ شارتىمەن اۆتوكولىك قۇرالدارىن ونەركاسىپتىك قۇراستىرۋ زاۋىتىن سالۋعا ارنالعان بولاتىن.
«اقشا قاراجاتىن الۋ بانكتەگى كەپىلدەگى تاۋارلاردى باقىلاۋداعى كومپانيالارعا قايتا رەسىمدەۋ، سونداي-اق "ازيا-بيپەك اۆتو" كومپانيالار توبىنىڭ قىزمەتكەرلەرىنە جالعان سىيلىقاقىلار بەرۋ جانە ءباا كومپانياسىمەن جالعان كەلىسىمشارت جاساسۋ ارقىلى جۇزەگە اسىرىلدى. قاۋلىنى جاريالاۋعا جانە قاجەتتى تەرگەۋ ارەكەتتەرىن جۇرگىزۋگە قاتىسۋ ءۇشىن كۇدىكتىلەر بالۋشكين مەن ساعىمبايەۆقا 2023 جىلعى 5 مامىرعا دەيىنگى مەرزىمدە شىعىس قازاقستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ اكىمشىلىك عيماراتىنا كەلۋ قاجەت»، - دەلىنگەن قما تاراتقان حابارلامادا.
ەستەرىڭىزگە سالا كەتەيىك، بۇعان دەيىن كۇدىكتى ا.بالۋشكيندى ا.ج. 10 اقپانىندا قارجىلىق مونيتورينگ اگەنتتىگى جاۋاپ الۋ ءۇشىن شاقىرعان بولاتىن، الايدا بەلگىلەنگەن ۋاقىتتا ول كەلمەدى جانە كەلۋگە كەدەرگى كەلتىرەتىن سەبەپتەر تۋرالى حابارلامادى.