قازاقستان رەسپۋبليكاسىنىڭ مەكسيكا قۇراما شتاتتارىنداعى ەلشىسى تيمۋر پىرىمبەتوۆ مەكسيكانىڭ قازىرگى پرەزيدەنتى اندرەس مانۋەل لوپەس وبرادورعا سەنىم گراموتالارىن تابىس ەتتى. ءراسىم ۇلتتىق سارايدا ءوتتى.
بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى Almaty-akshamy.kz.
قىسقاشا cۇحبات بارىسىندا ت. پىرىمبەتوۆ مەكسيكا مەملەكەت باسشىسىن قوعام مەن مەملەكەتتى جان-جاقتى جانە ىرگەلى جاڭعىرتۋعا باعىتتالعان ەلىمىزدىڭ پرەزيدەنتى قاسىم-جومارت توقايەۆتىڭ باسشىلىعىمەن قازاقستاندا جۇرگىزىلىپ جاتقان ساياسي جانە الەۋمەتتىك-ەكونوميكالىق وزگەرىستەر تۋرالى حاباردار ەتتى.
ا.لوپەس وبرادور ەكىجاقتى ءوزارا ءىس-قيمىلدىڭ بارلىق سپەكترى بويىنشا، ونىڭ ىشىندە حالىقارالىق ارەنادا مەكسيكا-قازاقستان ىنتىماقتاستىعىن ودان ءارى دامىتۋعا جانە نىعايتۋعا جوعارى مۇددەلىلىگىن، سونداي-اق استانادا مەكسيكا ديپلوماتيالىق وكىلدىگىن اشۋ نيەتىن راستادى. كەزدەسۋ سوڭىندا قازاقستاندىق ديپلوماتقا جۇمىستا تابىس تىلەدى.
سەنىم گراموتالارىن تاپسىرۋ راسىمىنە مەكسيكانىڭ سىرتقى ىستەر ءمينيسترى اليسيا بارسەنا يباررا قاتىستى.