قىتايداعى قازاقستان تۋريزم جىلى اياسىندا روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ ارتىستەرى دەچجوۋ مەن لانفان قالالارىندا ونەر كورسەتتى.
ءىس-شاراعا قازاقستاننىڭ ەڭبەك سىڭىرگەن قايراتكەرلەرى ەلمۇرا جاڭابەرگەن، ارداق بالاجانوۆا، سالتانات احمەتوۆا، مەدەت چوتابايەۆ، مادەنيەت قايراتكەرى ەربولات شالدىبەكوۆ، حالىقارالىق جانە رەسپۋبليكالىق كونكۋرستاردىڭ لاۋرەاتى ءادىلحان ماكين، سونداي-اق «گۇلدەر» جانە «استانا سازى» انسامبلدەرى قاتىستى، دەپ حابارلايدى Almaty-akshamy.kz.
ونەرپازدار ءداستۇرلى جانە زاماناۋي ۇلت مادەنيەتى مەن رۋحانياتىن تانىستىرىپ، وتاندىق كومپوزيتورلار مەن حالىق اندەرىن شىرقاپ، قازاقتىڭ كيەلى قارا دومبىراسى مەن قىلقوبىزى ارقىلى ۇلتتىق ونەرىمىزدى جۇڭگو جۇرتشىلىعىنا پاش ەتتى.
اتالمىش ءىس-شارا بەيبىتشىلىك پەن كەلىسىمدى ماقسات تۇتقان كورشى حالىقتاردىڭ ەكىجاقتى قاتىناسىنىڭ دامۋىنا، ۇلتتار دوستىعى مەن سىيلاستىعىنىڭ ارتۋىنا سەرپىن بەرەدى.