قازاقستان ەلشىسى جان عالييەۆ مونتەرو كوممۋناسىندا فرانسيانىڭ ەڭبەك سىڭىرگەن عالىمى، قازاقستاننىڭ بايىرعى جانە ادال دوسى جاك مونەمەن كەزدەستى.
95 جاستاعى فرانسۋز قوعام قايراتكەرى كوپ جىلدار بويى قارۋسىزدانۋ جانە يادرولىق قارۋدى تاراتپاۋ سالاسىندا بەلسەندىلىك تانىتتى، دەپ حابارلايدى Almaty-akshamy.kz.
وسى تۇرعىدا ول قازاقستانعا العاش رەت 1989 جىلى ادام مەن تابيعات ءۇشىن يادرولىق سىناقتاردىڭ سالدارىن جويۋعا ارنالعان كونفەرەنسياعا قاتىسۋ ءۇشىن ساپارمەن كەلگەن ەدى.
1997 جىلدىڭ باسىندا دوكتور مونە سەنا-ي-مارنا دەپارتامەنتىندە «فرانسيا-قازاقستان» دوستىق قاۋىمداستىعىن قۇرىپ، فرانسيانىڭ وسى ايماعىنىڭ تۇرعىندارىن تاۋەلسىزدىگىمىز تاڭىندا ەلىمىزبەن تانىستىردى.
ەكىجاقتى بايلانىستاردى نىعايتۋعا جانە فرانسياداعى قازاقستان ءيميدجىن ىلگەرىلەتۋگە قوسقان ەلەۋلى ۇلەسى ءۇشىن ەلشى جاك مونەگە «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىن تاپسىردى.
مونتەرو قالاسىنىڭ «Château des Amەndes» تاريحي عيماراتىندا ۇيىمداستىرىلعان سالتاناتقا وسى كوممۋنانىڭ مەرى، يل-دە-فرانس استانالىق ايماعىنىڭ ۆيسە-پرەزيدەنتى دجەيمس شەرون، جاك مونەردىڭ وتباسى مەن جاقىن دوستارى قاتىستى.