«Almaty اqshamy» جانە «ۆەچەرنيي Almaty» گازەتتەرى «Air Astana» جولاۋشىلارىنا قولجەتىمدى.
«Air Astana» اۋە كومپانياسى – الەمدىك دەڭگەيدەگى كومپانيا. ونىڭ ءتۇرلى نوميناسيالاردا كوپتەگەن ماراپاتتارى بار جانە ول قازاقستاننىڭ ۇلتتىق اۆياتاسىمالداۋشىسى. «Air Astana» زامان تالابىنا ساي، زاماناۋي تەحنولوگيالاردى ەنگىزىپ، ءوز جولاۋشىلارىنىڭ جايلىلىعى ءۇشىن قولدان كەلگەننىڭ ءبارىن جاساۋدا. مەرزىمدى باسىلىمدارعا قول جەتكىزۋدى دە نازاردان تىس قالدىرمادى. ەگەر بۇرىن بورتقا باسپا ونىمدەرى جينالعان بولسا، ءقازىر «Air Astana» جولاۋشىلارعا ىڭعايلى بولۋ ءۇشىن ارنايى جۇيەنى ىسكە قوستى. ەندى بيلەتتى ساتىپ الۋ كەزىندە اۆياكومپانيانىڭ سايتىندا تىركەلۋ كەزىندە كەز كەلگەن جولاۋشى «My press» بەلگىسى بويىنشا وتە الادى. وندا گازەتتەر، جۋرنالدار تەك ساندىق نۇسقادا ۇسىنىلعان، «Almaty اqshamy» جانە «ۆەچەرنيي Almaty» گازەتتەرىنىڭ نۇسقاسى دا بار.
Financial Times، The New York Times، Frankfurter Allgemeine، Oman Daily جانە باسقا دا الەمدىك باسپا برەندتەرىمەن قاتار، ەندى ۇشاق بورتىنداعى جولاۋشىلار مەگاپوليستىڭ ەڭ تانىمال قالالىق باسىلىمدارىن وقي الادى.
«Alataý اqparat» ج ش س كوممەرسيالىق ديرەكتورى قۋانىش ديۋسكالييەۆتىڭ ايتۋىنشا، بۇل - ەكى گازەت ءۇشىن دە ۇلكەن جەتىستىك.
– بۇل ماسەلە «Air Astana» اۋە كومپانياسىنىڭ كورپوراتيۆتىك كوممۋنيكاسيالار دەپارتامەنتىمەن تالقىلاندى. دەپارتامەنت ءبىزدىڭ باسىلىمدارىمىزدى قاراپ، شەشىم قابىلداۋعا جەتكىلىكتى ۋاقىت الدى. بارلىق قازاقستاندىق باق-تان بۇل جۇيەگە ءبىز عانا، ال رەسەيلىك باق-تان «يزۆەستيا» كىردى. بۇل – ءبىزدىڭ گازەتتەردىڭ زاماناۋي جانە وندا وزەكتى كونتەنت بار ەكەندىگىنىڭ كورسەتكىشى. بىرىنشىدەن، ءبىز رەسمي باق-پىز، ەكىنشىدەن، وقىرمانعا پايدالى جانە قىزىقتى بولاتىن شىنايى اقپاراتتى عانا ۇسىنامىز. گازەتتى دامىتۋدا بۇل ۇلكەن قادام، – دەپ اتاپ ءوتتى ول.