ينفلياسيا 8-10 پايىز دالىزدە انىقتالدى.
بيىل قازاقستان ەكسپورتى 72،2 ملرد اقش دوللارىنا دەيىن وسەدى. بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۇلتتىق بانكتىڭ بولجامى بويىنشا، ەكسپورت 72،2 ملرد اقش دوللارىنا دەيىن وسۋدە. يمپورت 40،2 ملرد اقش دوللاردى قۇرايدى. ينفلياسيا 8-10 پايىز دالىزىندە انىقتالدى. تۇزەتىلگەن ماكروەكونوميكالىق بولجامنىڭ نەگىزىندە بيۋدجەت كىرىستەرى بويىنشا بولجام ناقتىلاندى. رەسپۋبليكالىق بيۋدجەتتىڭ كىرىستەرى 2022 جىلى 10،2 ترلن تەڭگە كولەمىندە باعالانادى، بۇل بەكىتىلگەن جوسپاردان 955 ملرد تەڭگەگە جوعارى. كىرىستەردىڭ نەگىزگى ۇلعايۋ مۇنايعا بولجامدى باعانىڭ ءوسۋى جانە اقش دوللارىنا تەڭگە باعامىنىڭ وزگەرۋى اياسىندا باج مولشەرلەمەسىنىڭ ارتۋى ەسەبىنەن مۇنايعا ەكسپورتتىق كەدەندىك باج، سونداي-اق ماكروەكونوميكالىق كورسەتكىشتەردىڭ ءوسۋى ەسەبىنەن كورپوراتيۆتىك تابىس سالىعى بويىنشا كۇتىلۋدە»، - دەدى الىبەك قۋانتىروۆ.
ونىڭ ايتۋىنشا، پرەزيدەنت قويعان مىندەتتەردى ىسكە اسىرۋ جانە رەسپۋبليكالىق بيۋدجەتتىڭ تەڭگەرىمدىلىگىن قامتاماسىز ەتۋ ماقساتىندا 2022 جىلعا بەكىتىلگەن ۇلتتىق قوردان كەپىلدەندىرىلگەن ترانسفەرتتىڭ مولشەرىن 1،6 ترلن تەڭگەگە ۇلعايتىپ، 4 ترلن تەڭگەگە دەيىن تۇزەتۋ ۇسىنىلادى.
«قورداعى ازايتىلمايتىن قالدىق جالپى ىشكى ونىمگە قاتىستى 31،9 پايىز دەڭگەيىندە نەمەسە بەكىتىلگەن بولجامعا 0،8 پايىزدىق تارماققا ارتىق بولجانادى. ۆاليۋتالىق اكتيۆتەر 55،9 ملرد اقش دوللارى دەڭگەيىندە باعالانۋدا»، - دەدى مينيستر.